Хатлон: 6,4 млн. сомонӣ пулҳои фарсудашуда аз муомилот гирифта шуданд
ДУШАНБЕ, 15.07.2017. /АМИТ «Ховар»/. Дар бинои Шуъбаи минтақавии Бонки миллии Тоҷикистон дар шаҳри Қӯрғонтеппа нишасти матбуотӣ бо иштироки роҳбарони бонкҳои тиҷоратии вилоят баргузор гардид.
Тавре ки аз Мақомоти иҷроияи ҳокимияти давлатии вилояти Хатлон хабар доданд, дар нишаст Алиҷон Салимов — мудири шуъбаи минтақавии Бонки миллии Тоҷикистон дар шаҳри Қӯрғонтеппа оид ба нишондиҳандаҳои асосии низоми бонкии вилояти Хатлон дар нимсолаи якум сухан ронда, зикр намуд, ки дар ин давра қарзҳои додашуда ба соҳаи кишоварзӣ 162 млн. сомонӣ, соҳаи савдо ва тиҷорат 93,3 млн. сомонӣ, соҳаи саноат, сохтмон ва нақлиёт 202,7 млн сомониро ташкил додаанд.
Гуфта шуд, ки барориши пули нақд ба муомилот дар нимсолаи аввали соли ҷорӣ дар вилоят маблағи 648,3 млн. сомониро ташкил дод, ки аз он 212,5 млн. сомонӣ ба минтақаи Қӯрғонтеппа ва 435,8 млн. сомонӣ ба минтақаи Кӯлоб рост омада, нисбати соли гузашта 34,8 млн. сомонӣ зиёд мебошад.
Дар ин давра дар вилоят 6,4 млн. сомонӣ пулҳои фарсудашуда аз муомилот гирифта шуданд, ки 4,7 млн. сомонии он аз минтақаи Қӯрғонтеппа ҷамъоварӣ шудааст, таъкид гардид дар ҷараёни нишаст.
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
Дар шаҳри Бӯстон трансформатори муосир насб гардид
