Иқтидори зеҳнӣ ва моддию техникии Донишкадаи молия ва иқтисоди Тоҷикистон барои дигар кардани мақоми он шароит фароҳам овардааст
ДУШАНБЕ, 21.07.2017 /АМИТ «Ховар»/. Натиҷаи таҳлили сессияҳои зимистона ва тобистонаи соли таҳсили 2016-2017 дар Донишкадаи молия ва иқтисоди Тоҷикистон нишон дод, ки сафи донишҷӯёни бо баҳои хубу аъло таҳсилкунанда нисбат ба сессияи зимистонаи соли таҳсили 2015-2016 ба 2,7% беҳтар шудааст. Имсол интихоби Донишкада аз ҷониби довталабон ба 39 ҳазору 305 нафар расид ва рейтинги он дар ҷои шашум қарор гирифт. Ин нуктаро имрӯз Ректори Донишкадаи молияи ва иқтисоди Тоҷикистон Қудрат Давлатзода зимни нишасти матбуотӣ иброз дошт.
Қудрат Давлатзода ҳамчунин зикр намуд, ки иқтидори зеҳнӣ ва моддию техникии Донишкада барои дигар кардани мақоми он, яъне ба Донишгоҳ табдил гардиданаш шароит фароҳам овардааст ва ин масъала дар ҳоли коркард қарор дорад.
Дар нишаст ҳамчунин зикр гардид, ки дар Донишкада барои омода намудани муттахассисони ба талаботи бозори меҳнат ҷавобгӯ 6 факултет, 1 шуъбаи магистратура ва 27 кафедра фаъолият доранд, ки дар онҳо 409 нафар омӯзгорон, аз ҷумла 14 нафар докторҳои илм ва 106 нафар номзадҳои илм барои пешбурди фаъолияти таълимию методӣ ҷалб карда шуданд.
Ба иттилои роҳбарият, дар Донишкада барои донишҷӯёни манотиқи дурдасти кишвар 3 хобгоҳи ба талаботи имрӯза ҷавобгӯи дорои 910 ҷойи зист мавриди истифода қарор дорад. Дар хобгоҳи донишҷӯён маркази компютерӣ таъсис дода шуда, фонди китобхонаи электронӣ низ ворид карда шудааст.
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
