Сатҳи хизматрасонии Фурудгоҳи байналмилалии Душанбе ва Роҳи оҳани Тоҷикистон мавриди баррасӣ қарор гирифт
ДУШАНБЕ, 21.07.2017 /АМИТ «Ховар»/. Имрӯз дар маҷлисгоҳи ҶСК «Тоҷик Эйр» масъалаи ҳимояи ҳуқуқи мусофирон, сатҳи хизматрасонӣ ба мусофирон дар Фурудгоҳи байналмилалии Душанбе, Роҳи оҳани Тоҷикистон, қонунвайронкуниҳои кормандони корхонаву ташкилотҳои зериназоратӣ ва мақомоти ҳифзи ҳуқуқи дар нақлиёт фаъолиятдошта мавриди таҳлилу баррасии Прокурори нақлиёти Тоҷикистон Абдурашид Кишварзода қарор гирифт.
Абдурашид Кишварзода иброз намуд, ки ҳарчанд сатҳи хизматрасонии бағоҷи тайёраҳо, ҳаракати қатораҳо, ҳимояи ҳуқуқи мусофирон, хизматрасонии рӯизаминӣ нисбат ба солҳои пешин беҳтар гардида бошад ҳам, аммо он ба талаботҳои имрӯзаи меъёрҳои ҷаҳонӣ ҷавобгӯй нест.
Ба гуфтаи номбурда, имрӯз масъулони соҳаи мазкурро мебояд сатҳи хизматрасониро боз ҳам хубтару беҳтар ба роҳ монда, барои бартараф намудани камбудиҳои ҷойдошта кӯшиш намоянд.
«Гарчанде қочоқи маводи нашъаовар ва дигар молу ашё, дуздӣ ва мушкилоти дер омадани бору бағоҷ, бақайдгирии парвози тайёра ва қонуншиканиву ҷиноятҳо дар Фурудгоҳи байналмилалии Душанбе ва Роҳи оҳани Тоҷикистон кам шуда бошад ҳам, вале дар баъзе ҳолатҳо ба чашм мерасад. Имрӯзҳо арзу шикоятҳои шаҳрвандон, хусусан шаҳрвандони хориҷӣ оид ба хизматрасонии кормандони фурудгоҳ, назорати сарҳадбонон, гумрукчиён ва дигар мақомотҳои дахлдори шаҳри Душанбе боиси ташвиш гардида, мусофирон аз кашол ёфтани санҷиши бору бағоҷ ва муносибати дағалонаи кормандони соҳа шикоят мекунанд. Ин амал боиси паст шудани обрӯи давлату кишвар, фурудгоҳҳои ватанӣ, ширкатҳои ҳавопаймоӣ ва Роҳи оҳани Тоҷикистон мегардад»,- гуфт Прокурори нақлиёти Тоҷикистон.
Ба иловаи номбурда, бояд кормандони корхонаву ташкилотҳои зериназоратӣ ва мақомоти ҳифзи ҳуқуқи дар нақлиёт фаъолиятдошта ҳамчун мутахассиси соҳа софдилона хизмат намоянд ва донандаи хуби забонҳои хориҷӣ бошанд.
Ба иттилои Прокурори нақлиёти Тоҷикистон, дар давраи соли 2016 – 2017 аз тарафи Прокуратураи нақлиёт ва мақомоти ҳифзи ҳуқуқ нисбат ба 71 нафар кормандони Фурудгоҳи байналмилалии Душанбе ва Роҳи оҳани Тоҷикистон парванда боз шуда, онҳо ба ҷавобгарии ҷиноятӣ кашида шуданд.
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд
Имрӯз дар водиҳои Тоҷикистон ҳаво то 27 дараҷа гарм мешавад
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
Дар ноҳияи Спитамен беш аз 2000 нафар кӯдак ба таълиму тарбия фаро гирифта шудаанд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
