Суғд: таъсиси гурӯҳҳои корӣ оид ба тарғиби либосҳои миллӣ
ДУШАНБЕ, 05.07.2017 /АМИТ «Ховар»/. Бо ташаббуси Раёсати кор бо занон ва оилаи Мақомоти иҷроияи ҳокимияти давлатии вилояти Суғд дар Мақомоти иҷроияи ҳокимияти давлатии шаҳри Хуҷанд 3 июли соли 2017 ҷаласаи васеъ баргузор гардид.
Дар ҷаласа масъалаи таъсиси гурӯҳҳои корӣ оид ба гузаронидани корҳои тарғиботиву ташвиқотӣ миёни занону духтарон ҷиҳати нигоҳ ва гиромӣ доштани фарҳанги ниёгон, аз ҷумла либосҳои миллӣ, ки як ҷузъи ҷудонашавандаи он маҳсуб мешавад, баррасӣ гардид.
Тавре аз Маркази матбуоти Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, дар ин робита аз ҳисоби фаъолону шахсони масъули вилоят ва шаҳри Хуҷанд 21 адад гурӯҳҳои корӣ таъсис дода шуда, аз 4 июли соли равон онҳо ба фаъолият шурӯъ намуданд.
Гурӯҳҳои корӣ дар ҳамаи маҳаллаҳо, марказҳои савдо, коргоҳҳои дӯзандагӣ, кӯдакистонҳо, марказҳои саломатӣ, муассисаҳои таҳсилоти миёнаи умумӣ ва тарабхонаҳо бо занону духтарони вилоят вохӯриҳо доир намуда, дар бораи гиромӣ доштани либосҳои миллӣ ва рушду мутобиқати онҳо ба замони муосир суҳбатҳо мегузаронанд.
Рустами Эмомалӣ бо Ненад Лалович мулоқот намуданд
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
