Гумрукчиёни Душанбе миқдори зиёди арақи худсохтро ошкор карданд

Август 2, 2017 16:57

ДУШАНБЕ, 02.08.2017 /АМИТ «Ховар»/. Аз ҷониби кормандони шуъбаи мубориза бар зидди ҳуқуқвайронкуниҳои гумрукии Раёсати минтақавии гумрукӣ дар шаҳри Душанбе шаҳрванд П. А., соли таваллудаш 1984, истиқоматкунандаи шаҳри Душанбе ҳангоми ба фурӯш гузоштани арақи худсохт дастгир гардид.
Тавре аз Хадамоти гумруки назди Ҳукумати Ҷумҳурии Тоҷикистон ба АМИТ “Ховар” хабар доданд, шаҳрванд П. А. бо мақсади ба даст овардани даромади муфт ва фиреб намудани истеъмолкунандагон дар мавриди хосияти истеъмолкунӣ ё сифати маҳсулот 10 қуттӣ машруботи спиртии тамғаи «Шоҳона», навъи «Хлебная»-ро ба миқдори 52 адад ва «Платинум» ба миқдори 62 адад, ҷамъ 114 адад бо ғунҷоиши як адад шиша 0,5 литр, ки бо тариқи худсохт тайёр шуда буданд, аз манзили муваққатии истиқоматиаш, воқеъ дар маҳаллаи Ховарони шаҳри Душанбе ба бордони нақлиёти тамғаи «Мерседес Бенс», рақами қайди давлатиаш ТJ 25-66 СР 01 ҷойгир намуда, ба маҳаллаи Воданасоси шаҳри Душанбе интиқол медиҳад.
Шаҳрванд П. А. арзиши як адад арақи тамғаи «Шоҳона Хлебная»  — ро 14 сомонӣ ва арзиши як адад арақи тамғаи «Шохона Платинум»-ро 20 сомонӣ, ҷамъ 1 ҳазору 968 сомонӣ нархгузорӣ намудааст.
Тибқи мактуби ҶДММ «Шоҳона» арзиши 1 адад арақи тамғаи «Шоҳона Платинум» бо ғунҷоиши 0,5 литр 25 сомонӣ ва 1 адад арақи тамғаи «Шоҳона Хлебная» бо ғунҷоиши 0,5 литр 15 сомонӣ, ҷамъ 2 ҳазору 330 сомониро ташкил медиҳанд, ки ба таври худсоз бидуни технологияҳои истеҳсолӣ сохта шудаанд ва ба ҶДММ «Шоҳона» дахл надоранд.
Мувофиқи хулосаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, санҷиши физикӣ-кимиёвии намунаҳои арақҳои тамғаҳои «Шоҳона Платинум», «Шоҳона Хлебная» ба талаботи ҳуҷҷати меъёрии арақҳо ва арақҳои махсуси «Шартҳои техникӣ» мутобиқ нест.
Мувофиқи хулосаи Хадамоти назорати давлатии санитарию эпидемиологии Ҷумҳурии Тоҷикистон, маҳсулоти озмоишшуда, аз рӯи нишондодҳои намуди зоҳирӣ, қувватнокӣ ва дараҷаи ғизлати алдегит ба талаботи ҳуҷҷатҳои меъёри техникӣ мутобиқ набуда, истеъмоли чунин маҳсулот ба саломатӣ зарар дорад.
Аз рӯи ҳолати мазкур нисбат ба шаҳрванд П. А. ва дигарон бо моддаҳои 209, қисми 1 ва моддаи 294, қисми 2 – и  банди «а» ва «б» Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, ба прокуратураи шаҳри Душанбе ирсол карда шуд.

Август 2, 2017 16:57

Хабарҳои дигари ин бахш

«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
Доир ба нақши забони давлатӣ дар таҳкими худшиносӣ ва ҳувияти миллӣ ҳамоиш баргузор гардид
Рӯзи забони давлатӣ дар Суди Олии иқтисодӣ ботантана таҷлил карда шуд
Кишоварзони шаҳри Конибодом беш аз 12 ҳазор тонна пахта ҷамъоварӣ менамоянд
Имрӯз дар водиҳо ҳаво то 27 дараҷа гарм мешавад
Бахшида ба рӯзи таъсиси «Телевизиони Тоҷикистон» ҳамоиши илмӣ баргузор шуд
Дар милитсияи пойтахт Рӯзи забони давлатӣ ва Рӯзи касбии кормандони оперативиро таҷлил намуданд
«ПАРЧАМБАРДОРОНИ ПЕШВОИ МИЛЛАТ». Дар Донишгоҳи технологии Тоҷикистон таҳти чунин унвон ҳамоиш доир шуд
Имрӯз дар шаҳри Душанбе ҳаво то 26 дараҷа гарм мешавад
Оид ба рақамикунонӣ ва зеҳни сунъӣ дар хизмати идоракунии давлатӣ конфронси ҷумҳуриявӣ доир шуд
Дар ноҳияи Ёвон сохтмони бинои иловагии муассисаи таълимӣ оғоз гардид