Баррасии ёдгориҳои бостонии гузаргоҳи Фарғона-Сирдарёи Роҳи абрешим дар Тошканд
ДУШАНБЕ, 19.09.2017. /АМИТ «Ховар»/. Дар шаҳри Тошканди Ҷумҳурии Ўзбекистон ҷаласаи зерминтақавии «Рушди стратегияи мудирият оид ба мероси ҷаҳонии гузаргоҳи Фарғона-Сирдарёи Роҳи абрешим дар Осиёи Марказӣ» баргузор гардид.
Тавре аз Маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, ҷаласа аз ҷониби Дафтари ЮНЕСКО дар Тошканд ва Дафтари ЮНЕСКО дар Алма-Ато ташкил гардида, дар он масъалаҳои раванди пешниҳоди бахшҳои зерминтақавии мероси ҷаҳонии «Роҳи абрешим» баррасӣ шуданд.
Ба иттилои манбаъ, Тоҷикистонро дар ҷаласаи мазкур гурўҳи коршиносони миллӣ дар ҳайати сардори шуъбаи ҳифз ва истифодаи мероси таърихию фарҳангии Вазорати фарҳанги Ҷумҳурии Тоҷикистон Шералӣ Хоҷаев, сардори шуъбаи бостоншиносии Институти таърих, бостоншиносӣ ва мардумшиносии ба номи Аҳмади Дониши Академияи илмҳои Ҷумҳурии Тоҷикистон Нуриддин Сайфуллоев таҳти роҳбарии муовини Вазири фарҳанги Ҷумҳурии Тоҷикистон Зевар Давлатзода намояндагӣ карданд.
Дар ҷаласа инчунин коршиносони миллӣ аз Белгия, Корея, Қазоқистон, Қирғизистон, Ўзбекистон, Чин, Япония ва Дафтари Юнеско дар Париж иштирок намуданд.
Боиси зикр аст, ки аз Ҷумҳурии Тоҷикистон дар гузаргоҳи Фарғона-Сирдарёи Роҳи абрешим ёдгориҳои бостонӣ-меъмории Қалъаи Хуҷанд, Маҷмааи меъмории Шайх Муслиҳиддин, ёдгориҳои бостонии болооби Сирдарё, тасвирҳои рўисангии канори шаҳри Хуҷанд ва ёдгориҳои бостонии ноҳияи Ашт муаррифӣ гардиданд.
Ба ифтихори Рӯзи Президент дар ноҳияи Шаҳринав бинои муассисаи таълимӣ ба истифода дода шуд
Доир ба нақши таърихии Пешвои миллат дар эҳёи давлатдории миллӣ ва таҳкими сулҳу субот ҳамоиш баргузор шуд
Ба ифтихори Рӯзи Президент дар Осорхонаи миллии Тоҷикистон ҳамоиш баргузор шуд
ПРЕЗИДЕНТ — МЕЪМОРИ ДАВЛАТДОРИИ МУОСИР. Ба Рӯзи Президенти Ҷумҳурии Тоҷикистон бахшида мешавад
ПЕШВОИ МО-ИФТИХОРИ МО. Дар вилояти Хатлон Рӯзи Президент бо шукуҳу шаҳомат таҷлил гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
РӮЗИ ПРЕЗИДЕНТ-РАМЗИ САДОҚАТУ ВАФОДОРӢ БА ВАТАНИ МАҲБУБ. Дар Суди конститутсионӣ ҳамоиш доир шуд
Бахшида ба Рӯзи Президент дар Академияи миллии илмҳо конференсияи илмию назариявӣ баргузор шуд
Дар Бадахшон Рӯзи Президент бо тантана таҷлил гардид
Имрӯз дар Тоҷикистон ҳаво рӯзона то 24 дараҷа гарм мешавад
Дар ноҳияи Ёвон Рӯзи Президенти Тоҷикистон ва 33-солагии Иҷлосияи XVI Шурои Олӣ таҷлил гардид
Меъмори тоҷиктабори муқими Олмон Саидумари Маъсум: «Эмомалӣ Раҳмон барои миллат ҳамчун шоҳ Исмоили Сомонӣ хидмат намуданд»
