Шӯҳрат Ашуров барандаи Ҷоизаи Иттифоқи композиторони Тоҷикистон ба номи Борбад дар соҳаи мусиқӣ гардид
ДУШАНБЕ, 18.09.2017 /АМИТ «Ховар»/. Театри давлатии академии опера ва балети ба номи С. Айнӣ мавсими 77-уми театрии худро бо супоридани Ҷоизаи Иттифоқи композиторони Тоҷикистон ба номи Борбад дар соҳаи мусиқӣ ва намоиши балети «Зол ва Рудоба» аз рўи достони «Шоҳнома»-и безаволи Абулқосим Фирдавсӣ оғоз намуд.
Тавре аз Иттифоқи композиторони Тоҷикистон ба АМИТ «Ховар» хабар доданд, дар маросими мазкур Вазири фарҳанги Ҷумҳурии Тоҷикистон Шамсиддин Орумбекзода, аъзои Иттифоқи композиторони Тоҷикистон, намояндагони корпусҳои дипломатии муқими шаҳри Душанбе ва дигар алоқамандони санъати касбӣ иштирок намуданд.
Бино ба иттилои манбаъ, дар маросим Вазири фарханги Чумҳурии Тоҷикистон аҳли эҷоди театрро бо мавсими нави театрӣ шодбош гуфта, зикр кард, ки «Театри давлатии академии опера ва балети ба номи С. Айнӣ дар ҳар мавсим бо таҳияи намоишҳои гуногуни баландмазмун, дастовардҳои эҷодӣ, кашфи падидаҳои нави ҳунарӣ хотири алоқамандони ҳунарро болида гардонида, барои рушди минбаъдаи санъати театрӣ заминаҳои боэътимод фароҳам меоварад».
Сипас бо қарори Раёсати Иттифоқи композиторони Тоҷикистон композитори маъруфи тоҷик Шўҳрат Ашуров (баъд аз вафот) барандаи Ҷоизаи Иттифоқи композиторони Тоҷикистон ба номи Борбад дар соҳаи мусиқӣ эълон гардид.
Шодравон Шӯҳрат Ашуров барои эҷоди операи бачагонаи «Чароғи сеҳрноки Аловиддин» ва нахустин балети композиторони тоҷик дар давраи соҳибистиқлолии кишвар –«Зол ва Рудоба» ба Ҷоизаи мазкур сазовор дониста шудааст.
Ҷоизаи ба номи Борбад ба фарзандони Шӯҳрат Ашуров супорида шуд.
Лозим ба ёдоварист, ки нахустнамоиши балети «Зол ва Рудоба», ки аввалин балети тоҷикӣ аст, моҳи ноябри соли 2016 ба ифтихори 25-солагии Истиқлолияти Ҷумҳурии Тоҷикистон баргузор гардида буд. Намоиш чун падидаи нодири фарҳангӣ қалби ҳазорон нафар мухлисони санъати балетро тасхир намуд.
Хотиррасон менамоем, ки Ҷоизаи ба номи Борбад дар соҳаи мусиқӣ аз соли 2004 бо мақсади рушди минбаъдаи санъати мусиқии касбӣ дар иртибот ба Фармони Президенти Ҷумҳурии Тоҷикистон «Дар бораи ҷоизаҳои Иттифоқи нависандагони Тоҷикистон ва Иттифоқи композиторони Тоҷикистон» таъсис дода шудааст.
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
