Баҳогузории низоми бонкии кишвар аз нигоҳи илм дар конференсияи илмӣ-назариявӣ
ДУШАНБЕ, 30.10.2017 /АМИТ «Ховар»/. «Ҳолати низоми бонкии Ҷумҳурии Тоҷикистон дар шароити буҳрони молиявӣ»- таҳти чунин унвон дар Донишкадаи молия ва иқтисоди Тоҷикистон конференсияи илмӣ-назариявии ҷумҳуриявӣ доир гардид.
Тавре аз донишкадаи мазкур хабар доданд, конференсия бо ташаббуси Раёсати илм ва инноватсия баргузор шуда, дар кори он Аламхон Наимӣ, намояндаи Дастгоҳи иҷроияи Президенти Ҷумҳурии Тоҷикистон, Сироҷиддин Икромӣ, муовини раиси Бонки миллии Тоҷикистон ва олимону коршиносони соҳа иштирок доштанд.
Ректори донишкада Қудрат Давлатзода мақсади конфронсро баррасӣ ва гирдоварии андеша ва пешниҳодҳои иқтисодшиносон ва мутахассисони соҳаи бонкдории кишвар барои ҳалли проблемаҳои рӯзафзуни шароити имрӯзаи низоми бонкӣ арзёбӣ кард. Мавсуф ҳамчунин иброз дошт, ки ташаккули низоми бонкии кишвар ба талошҳои бевоситаи Президенти Ҷумҳурии Тоҷикистон муҳтарам Эмомалӣ Раҳмон алоқамандии бевосита дорад. Дар марҳилаҳои нахустини даврони истиқлолият бо ташаббусҳои Пешвои миллат асосҳои институтсионалии ташаккул ва инкишофи низоми бонкӣ фароҳам оварда шуда, кафолати давлатии таъмини амнияти моликият ва фаъолият имконият дод, ки дар як давраи кӯтоҳ низоми бонкии кишвар ташаккул ва инкишоф ёбад. Дар ин радиф барориши пули миллӣ, танзими сиёсати пулӣ ва муомилоти пулӣ низ дастоварди муҳим ба ҳисоб меравад.
Самтҳои афзалиятноки рушди бозори молиявӣ ва низоми бонкии кишвар, ки дар Стратегияи миллии рушд барои давраи то соли 2030 пешбинӣ шудаанд, имконият медиҳанд, ки низоми бонкии кишвар дар ояндаи наздик ба рушди бемайлон ноил гардад.
Муовини раиси Бонки миллии Тоҷикистон Сироҷиддин Икромӣ дар мавзӯи «Устувории низоми бонкӣ ва нақши он дар рушди ташкилотҳои қарзӣ» маърӯза карда, фаъолияти бонкии имрӯзаи кишварро мушаххасан таҳлил намуд. Ба ақидаи ӯ роҳҳои такмили низоми бонкии кишвар ба баланд бардоштани сатҳи идоракунии корпоративӣ, дуруст ба роҳ мондани идоракунии дороиву уҳдадориҳо, баланд бардоштани маданияти қарздиҳӣ, таҳлили дурусти ҳолати молиявии қарзгир, баланд бардоштани савияи дониши кормандон, тавсеаи амалиёти ғайринақдӣ ва таъмини риояи санадҳои меъёрию ҳуқуқӣ вобаста мебошанд.
Дар ҷамъбаст аз натиҷаи кори конфронс ба Бонки миллии Тоҷикистон ва мақомоти дахлдор таклифу тавсияҳои илман асоснок пешниҳод карда шуданд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Брюссел дастовардҳои Тоҷикистон дар самти ҳуқуқи инсон муаррифӣ шуданд
Дар Душанбе маросими ҷоизасупорӣ ба аъзои беҳтарини Лигаи ҷавонони Тоҷикистон оид ба футбол доир гардид
Ҳунармандони Беларус ба сокинони шаҳри Ҳисор барномаи фарҳангӣ пешниҳод намуданд
Дар Донишгоҳи давлатии молия ва иқтисоди Тоҷикистон масоили мубориза бо экстремизм ва терроризм баррасӣ шуд
Барои хизматчиёни давлатӣ машғулияти такмили ихтисос гузаронида шуд
Имрӯз дар шаҳри Душанбе ҳаво то 20 дараҷа гарм мешавад
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
