Баррасии ҳифзи иҷтимоии маъюбон дар ҷаласаи Парлумон
ДУШАНБЕ, 31.10.2017/АМИТ «Ховар»/. Иҷрои буҷети давлатӣ ҷиҳати татбиқи Қонуни Ҷумҳурии Тоҷикистон «Дар бораи ҳифзи иҷтимоии маъюбон» дирӯз дар Душанбе зимни баргузории муҳокимаи парлумонӣ бо иштироки намояндагони масъули вазорату идораҳои марбутаи кишвар баррасӣ гардид. Зикр шуд, ки тибқи маълумоти пешниҳоднамудаи Палатаи ҳисоби Ҷумҳурии Тоҷикистон, нақшаи маблағгузории буҷетии муассисаҳои ҳифзи иҷтимоии аҳолӣ дар 8 моҳи соли равон ба қадри 6,7 млн. сомонӣ пешбинӣ гардида, иҷрои он 4,5 млн. сомонӣ ё 66,8 % ташкил медиҳад. Нақшаи воридотии маблағҳои махсуси муассисаҳои ҳифзи иҷтимоии аҳолӣ дар ин давра 1,1 млн. сомонӣ ва иҷрои он 553,9 ҳазор сомонӣ ё 49% нақшаро ташкил додааст.
Раиси кумитаи Маҷлиси намояндагон Ҳилолбӣ Қурбонзода гуфт, ки аъзои Кумита дар якҷоягӣ бо намояндагон аз вазоратҳои тандурустӣ, маориф ва илми Ҷумҳурии Тоҷикистон аввали моҳи октябр аз вазъи буду боши бошандагони Муассисаи давлатии таълимии «Литсейи касбии махсуси маъюбон» дар шаҳри Душанбе, хона-интернатҳои пиронсолон ва маъюбон, мактаб- интернатҳо барои кӯдакони маъюб дар ноҳияи Ёвон ва шаҳру ноҳияҳои Ҳисор, Рӯдакӣ, Турсунзода ва Варзоб дидан намуданд. Ҳангоми шиносоӣ бо вазъи будубоши бошандагони ин муассисаҳо муайян гардид, ки дар ин шаҳру ноҳияҳо хона-интернатҳои пиронсолон ва маъюбон, мактаб-интернатҳо барои кӯдакони маъюб фаъолияти худро дар асоси Конститутсияи Ҷумҳурии Тоҷикистон ва дигар қонунҳои кишвар ба роҳ монда, аз ҷониби онҳо барои маъюбон тадбирҳои зарурӣ андешида шудаанд. Зикр шуд, ки маблағи ҷудогардида барои ин муассисаҳо ҷиҳати харидории доруворӣ ва маводи хӯрокӣ нокифоя мебошад. Аз ҷумла, дар мактаб-интернати ҷумҳуриявии кӯдакони шунавоияшон суст ва деркаршудаи ноҳияи Рӯдакӣ барои хӯрокворӣ 304 ҳазору 546 сомонӣ ҷудо карда шудааст, ки ба ҳар як кӯдак дар як шабонарӯз 5 сомонию 70 дирам рост меояд.
Инчунин биноҳои муассисаҳои номбурда ба талаботи санитарию гигиенӣ ҷавобгӯй нестанд ва ба таъмири пурра ниёз доранд.
Дар анҷоми ҷаласаи муҳокимаи парлумонӣ аз рӯи масъалаи муҳокимашуда тавсияҳои парлумонӣ ва қарори дахлдор қабул гардиданд.
Доир ба иҷрои «Барномаи давлатии дарёфт ва рушди истеъдодҳо барои солҳои 2021-2025» ҳамоиш баргузор гардид
Пиряхҳои Тоҷикистон объекти муҳити зист ва манбаъҳои стратегии захираҳои об мебошанд
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
