Дар Иттифоқи нависандагон аз муаллифи «Садои пои вожаҳо» ёд мекунанд

Октябрь 10, 2017 17:04

ДУШАНБЕ, 10.10.2017. /АМИТ «Ховар»/. 12 октябр, соати 17:00 дар бинои Иттифоқи нависандагони Ҷумҳурии Тоҷикистон маҳфили ёдбуди шоири шодравон Искандари Хатлонӣ баргузор мегардад.

Дар маҳфил адибон, пайвандон, ёру рафиқон, ҳамсабақон, ҳампешагон ва ҳаводорони шеъри ин шоири ширинкалом ҷамъ меоянд. Дар назар аст, ки дар маҳфил адибон Абдулҳамид Самад, Сафар Аюбзода, Муҳаммад Ғоиб, Гулназар, Гулрухсор ва дигарон аз ҳаёт ва фаолияти ў маълумот дода, хотираҳои худро баён кунанд. Ҳамчунин ҳунармандон аз эҷодиёти ў сурудҳо мехонанд.

Искандари Хатлонӣ ё Искандар Идиев 12 октябри соли 1954 дар шаҳри Кӯлоб дар хонаводаи омӯзгор ба дунё омадааст. Меҳру муҳаббат ба фарҳангу адаб ва шеъру шоирӣ ӯро ба Донишкадаи адабиёти ҷаҳонии ба номи  Максим Горкийи шаҳри Москва бурд. Ҳамзамон баробари донишҷӯӣ вай барои бахши бурунмарзии радиои «Ин ҷо Москва» хабарнигорӣ мекард.

Ӯ на танҳо донандаи забони модарии хеш, балки яке аз беҳтарин мутарҷимони забони русӣ ба дарӣ дар Иттиҳоди Шӯравӣ буд.

Дар оғози соли 1990 Искандар нахустин нашрияи озоди тоҷикӣ- «Мужда»-ро таъсис дод, ки ба хатти тоҷикӣ ва форсӣ нашр мешуд. Ӯ бисёр ифтихор мекард, ки пуле миёни форсизабонони ҷаҳон устувор кардааст.

Ӯ соли 2000 — ум дар синни 46 аз олам даргузашт.

Аз Искандари Хатлонӣ чанд маҷмӯаи шеърӣ- «Парвоз» (1981), «Шукуфа» (1986), «Садои пои вожаҳо» (1988) ва «Кушоиш» боқӣ мондаанд. Пас аз маргаш бародараш Алишер Идизода маҷмӯаи наверо, ки ҳама ашъори ӯро аз овони мактабхонӣ то лаҳзаи марг дар бар мегирифт, таҳия намуд.

Октябрь 10, 2017 17:04

Хабарҳои дигари ин бахш

Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст
ОМОДАГӢ БА СОЛИ НАВИ ТАҲСИЛ. Дар Гулистон давраи мутобиқшавии хонандагони синфи якум идома дорад
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад