Дар Кӯлоб ба хотири солимӣ ва фардои дурахшони насли наврас толори варзишӣ ба истифода дода шуд

ДУШАНБЕ, 04.11.2017. /АМИТ «Ховар»/.  Бахшида ба 25-умин солгарди иҷлосияи ХVI Шӯрои Олии Ҷумҳурии Тоҷикистон ва Соли ҷавонон дирӯз дар Муассисаи таҳсилоти миёнаи умумии №30-и шаҳри Кӯлоб толори варзишии замонавӣ  ба истифода дода шуд. Толори мазкур ба хотири рушди варзиш ва тарзи ҳаёти солими наслҳои имрӯзу фардо бунёд гардидааст. Дар ин бора аз Кумитаи иҷроияи ҲХДТ дар шаҳри Кӯлоб ба АМИТ «Ховар» хабар доданд.

Толор бо дастгирии Ҳукумати Ҷумҳурии Тоҷикистон аз тарафи ҶДММ «Уҳда»-и вилояти Хатлон бо маблағи 5 миллион сомонӣ сохта шуда, дорои 240 ҷои нишаст мебошад.

Баъди кушодашавии толори варзишӣ хонандагон маҳорати худро дар бозиҳои волейбол ва гӯштин намоиш доданд.