Гурбонгулӣ Бердимуҳамедов: «Туркманистону Тоҷикистон дорои имкони таҳия ва татбиқи лоиҳаҳои бузурги нақлиётию энергетикӣ мебошанд»
ДУШАНБЕ, 02.11.2017 /АМИТ «Ховар»/. Тоҷикистону Туркманистон дорои иқтидори бузурги захираҳои на танҳо иқтисодӣ, балки имкони таҳия ва татбиқи лоиҳаҳои бузурги нақлиётию энергетикӣ мебошанд. Ин матлабро Президенти Туркманистон Гурбонгулӣ Бердимуҳамедов зимни изҳороти матбуотӣ ба хабарнигорон иброз намуда, сохтмони роҳи оҳани Тоҷикистон-Афғонистон-Туркманистонро намунаи олии ҳамкорӣ дар ин самт номид.
Президенти Туркманистон аз мавҷуд будани шароити мусоид барои густариши минбаъдаи ҳамкорӣ дар соҳаҳои нақлиёт, энергетика, саноат, тиҷорат ва кишоварзӣ ёдовар шуда, зарурати таҳкими талошҳоро ҷиҳати ҳавасмандгардонии муносибатҳои соҳибкорӣ, шиносоии намоиши тарафайн бо маҳсулоти истеҳсоли ду кишвар, омӯзиши имкониятҳои содиротӣ-воридотӣ ва ҷустуҷӯи шаклҳои нави ҳамкории иқтисодиро зикр намуд.
Номбурда ҳамзамон аҳамияти амалисозии лоиҳаи сохтмони роҳи оҳани «Тоҷикистон-Афғонистон-Туркманистон»-ро, ки яке аз лоиҳаҳои бузургтарини нақлиётӣ дар минтақа ба шумор меравад, таъкид намуд.
Ба андешаи Гурбонгулӣ Бердимуҳамедов, санадҳои ба имзорасида заминаи ҳуқуқии муносибатҳои дуҷонибаи Туркманистону Тоҷикистонро таҳким хоҳанд бахшид.
Президенти Туркманистон Гурбонгулӣ Бердимуҳамедов ба Президенти Ҷумҳурии Тоҷикистон Эмомалӣ Раҳмон, ба тамоми мардуми тоҷик барои меҳмоннавозии ҳайати Туркманистон, истиқбол ва пазироии гарму дӯстона миннатдорӣ изҳор намуда, аз Президенти Тоҷикистон даъват ба амал овард, то дар фурсати муносиб ба Туркманистон сафари расмӣ анҷом диҳад.
Сафири Тоҷикистон ба Президенти Непал эътимоднома супорид
Сафири Тоҷикистон дар Форум оид ба иқтидори ашёи хоми минералӣ дар Осиёи Марказӣ иштирок намуд
Дар Ню-Йорк вохӯрии Гурӯҳи дӯстони об баргузор гардид
Намояндаи Тоҷикистон дар чорабинии канорӣ оид ба натиҷаҳои Вохӯрии 7-уми машваратии сарони давлатҳои Осиёи Марказӣ иштирок намуд
Маҷмаи Умумии СММ қатъномаи Тоҷикистонро дар бораи «Соли байналмилалии маърифати ҳуқуқӣ, 2027» қабул намуд
Сарвазири Ҷумҳурии Тоҷикистон Қоҳир Расулзода дар Москва дар Конфронси байналмилалӣ оид ба ҳамкорӣ дар соҳаи илм ва технология иштирок намуд
Намояндаи доимии Тоҷикистон дар назди Созмони умумиҷаҳонии сайёҳӣ расман ба кор оғоз намуд
Дар Париж доир ба татбиқи қатъномаи «Даҳсолаи амал оид ба илмҳои криосферӣ, 2025-2034» ҷаласа баргузор гардид
Машваратҳои консулӣ байни вазоратҳои корҳои хориҷии Тоҷикистон ва Эрон баргузор шуданд
Сафири Тоҷикистон ба Вазорати корҳои хориҷии Испания нусхаи эътимоднома супорид
Дар Душанбе муносибатҳои дуҷонибаи Тоҷикистон ва Чин баррасӣ гардид
Номинаи миллии Ҷумҳурии Тоҷикистон “Фарҳанги суманакпазӣ” ба Феҳристи мероси фарҳанги ғайримоддии ЮНЕСКО ворид гардид
