«МАХСУСИЯТИ ЖАНРҲОИ РАДИОӢ». Бори аввал маълумоти назариву амалӣ оид ба баъзе жанрҳои радиоӣ фароҳам омад

Ноябрь 13, 2017 16:28

ДУШАНБЕ, 13.11.2017 /АМИТ «Ховар»/. «Махсусияти жанрҳои радиоӣ» — чунин ном дорад китоби нави доктори илмҳои филология Саидмуроди Хоҷазод ва номзади илмҳои филология  Абдурашид Хӯҷамқул.

Тавре ба хабарнигори АМИТ «Ховар» доктори илмҳои филология Саидмуроди Хоҷазод иброз намуд, китоб таҳаввул ва ташаккули низоми жанрҳои журналистикаи радиоро дар замони муосир дар бар гирифта, он ҷанбаи илмӣ, назарӣ ва амалӣ дорад.

Бино ба зикри муаллиф, хусусияти дигари китоб он аст, ки дар он оид ба баъзе жанрҳои радиоӣ, амсоли мухобирот, мубоҳиса, тадқиқоти журналистӣ, номаи радиоӣ, нутқи радиоӣ ва интермедия бори аввал маълумоти назариву амалӣ фароҳам омадааст.

Хонандагон дар як вақт бо услуби таълифи маводи илмӣ, назарӣ ва амалӣ ошно мегарданд. Истифодаи чунин тарз барои ҳосил намудани дониши ҳамаҷониба ва инкишофи ҷаҳонбинии илмии хонанда ёрмандӣ мекунад.

Муаллифон, ки солҳои тӯлонӣ дар радио кор карда, таҷрибаи ғании амалӣ андӯхтаанд ва дар давраҳои гуногуни рушди ин расона шоҳиди бевоситаи таҳаввулот, тағйироти мавзӯӣ, жанрӣ, миқдорӣ ва сифатии радио гардидаанд, таҷрибаи амалии худро  ҳангоми нигоштани вижагиҳои жанрҳои радиоӣ, тафовути онҳо аз жанрҳои матбуот ва адабиёт истифода намудаанд.

Китоби мазкур барои дарки моҳияти жанрҳои журналистикаи радио ба хонанда кумак мерасонад. Он барои устодон, пажӯҳишгарон, унвонҷӯён, донишҷӯён ва кормандони ВАО пешниҳод мегардад.

Ноябрь 13, 2017 16:28

Хабарҳои дигари ин бахш

Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст
ОМОДАГӢ БА СОЛИ НАВИ ТАҲСИЛ. Дар Гулистон давраи мутобиқшавии хонандагони синфи якум идома дорад
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад