Намояндаи доимии Тоҷикистон дар СММ дар Симпозиуми сатҳи баланд “Ҳамбастагии ҷаҳонии энержӣ: пешбурди Ҳадафҳои Рушди Устувор” суханронӣ кард

ДУШАНБЕ, 02.11.2017./АМИТ «Ховар»/. Дирӯз, 1 ноябри соли 2017, дар қароргоҳи Созмони Милали Муттаҳид дар Ню-Йорк (ИМА) Намояндаи доимии Ҷумҳурии Тоҷикистон дар СММ Маҳмадамин Маҳмадаминов дар Симпозиуми сатҳи баланд таҳти унвони “Ҳамбастагии ҷаҳонии энержӣ: пешбурди Ҳадафҳои Рушди Устувор”, ки бо ташаббуси Департаменти СММ оид ба масъалаҳои иқтисодию иҷтимоӣ (UN DESA) баргузор гардид, ширкат ва суханронӣ намуд. Дар ин бора ба АМИТ «Ховар» аз Намояндаги доимии ҶТ дар СММ хабар доданд.

Маҳмадамин Маҳмадаминов  яке аз панелҳои чорабинии мазкурро раисӣ намуда, зимни ҷаласа оид ба иқтидору зарфиятҳои энергетикии Тоҷикистон ва аҳамияти рушди соҳаи мазкур барои кишвари мо маълумот дод.