«ДАР РОҲИ ВАТАН МУРДАН – ЗИНДАГИСТ…». Ба 130-солагии Абулқоcим Лоҳутӣ бахшида мешавад

Декабрь 2, 2017 13:04

ДУШАНБЕ, 02.12.2017  /АМИТ «Ховар»/. Институти забон ва адабиёти ба номи А. Рӯдакии Академияи илмҳои Ҷумҳурии Тоҷикистон бахшида ба 130-солагии шоири маҳбуб ва ходими сиёсӣ Абулқосим Лоҳутӣ Конференсияи илмӣ-амалиро ба нақша гирифтааст, ки баргузории он 4 декабр, дар рӯзи таваллуди шоир, дар назар дошта шудааст.

Тавре директори Институти забон ва адабиёти ба номи А. Рӯдакӣ Сахидод Раҳматуллозода ба АМИТ «Ховар» хабар дод, дар Конференсия олимону донишмандони кишвар иштирок карда, вобаста ба ҳаёт ва фаъолияти шоир Аблуқосим Лоҳутӣ маърӯзаҳо мекунанд.

Ҳамзамон Сахидод Раҳматуллозода изҳор дошт: «Дар андеша ва осори устод Лоҳутӣ Айнӣ ғояҳои ватанпарварӣ, дӯстии халқҳо, тараннуми комёбиҳои Ватан ва тарғиби сулҳу амният дар эҷодиёти ӯ мавқеи намоён ишғол кардаанд, ки  ашъори «Суруди сулҳхоҳон», «Санади сулҳро имзо мекунем», «Сухани мардумони одӣ» ва «Митинги сулҳхоҳон» намунаи беҳтарини онҳо мебошад. Ҳадафи ҳамоиш низ муаррифии паҳлуҳои таҳқиқнашудаи ашъори ӯ ба насли наврасу ҷавон аст».

Ба иттилои номбурда, ба хотири гиромидошти устод Абулқосим Лоҳутӣ силсилаи  тадбирҳои  маърифатию фарҳангӣ низ ба нақша гирифта шудааст.  Аз ҷумла,  5 декабр дар Театри давлатии академии драмавии ба номи А. Лоҳутӣ   барномаи фарҳангӣ баргузор мегардад.

Зикр кардан бамаврид аст, ки бо ташаббуси Президенти Ҷумҳурии Тоҷикистон муҳтарам Эмомалӣ  Раҳмон заҳматҳои устод А. Лоҳутӣ қадрдонӣ шуда, Театри давлатии академии драмавии Тоҷикистон, бисёр деҳаву мактаб, муассисаву кӯча ва хиёбонҳои шаҳру ноҳияҳои ҷумҳурӣ номи некашро зинда медоранд. Ҷоизаи махсуси Иттифоқи журналистони мамлакат номи ӯро дорад. Осорхонаи ӯ дар Душанбе зиёратгоҳи умум аст.

Абукосим Лоҳутӣ бо ашъори ватандӯстонаи худ дар тамоми дунё машҳур аст. Дар достони «Ғалабаи Таня», ки ба мавзӯи Ҷанги дуюми ҷаҳонӣ бахшида шудааст, мегӯяд:

                      «Дар роҳи Ватан мурдан – зиндагист…».

Ёдовар мешавем, ки устод Лоҳутӣ соли 1945 матни Суруди миллии Ҷумҳурии Шӯравии Сотсиалистии Тоҷикистонро эҷод кардааст, ки то даврони соҳибистиқлолӣ вирди забони ҳамагон буда, дар замонаш яке аз беҳтарин таронаҳои миллии ҷамоҳири шӯравӣ ба ҳисоб мерафтааст.

                                                                                   Мавҷуда АНВАРӢ,

                                                                                   АМИТ «Ховар»

                                                                                                                                    Дар айни замон…

  Таҷлили 130-солагии Абулқосим Лоҳутӣ дар Хатлон

Бо ташаббуси Кумитаи иҷроияи ҲХДТ дар ноҳияи Муъминобод ва намояндагии ТҶҶ “Созандагони Ватан” дар ноҳия бо иштироки 250 нафар ҷавонон бахшида ба 130-солагии Абулқосим Лоҳутӣ Конференсияи илмӣ-амалӣ доир гардид. Дар Конференсия раиси Кумитаи иҷроияи ҲХДТ дар ноҳия Гулсунбӣ Раҷабова ва дигарон иштирок ва суханронӣ намуданд.

Ҷавонон вобаста ба ҳаёт ва фаъолияти шоири инқилобӣ ва ватандӯст Аблуқосим Лоҳутӣ суханронӣ намуда, аз эҷодиёти ӯ шеърҳо қироат карданд.

Дар охир ба иштирокчиёни фаъол ифтихорнома ва туҳфаҳои хотиравии ҳизбӣ супорида шуд.

 

 

Декабрь 2, 2017 13:04

Хабарҳои дигари ин бахш

«Телевизиони Сафина» соли 2024 силсилабарномаҳои «Достон» ва «Шоҳномахонӣ»-ро пешниҳоди бинандагон мегардонад
Кумитаи телевизион ва радио: «Имсол аз ҷониби дастаҳои ҳунарӣ 163 суруду оҳанг сабт гардид»
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Имсол дар Тоҷикистон Намоишгоҳи 12-уми байналмилалии «Китоби Душанбе» баргузор мегардад
НИШАСТИ МАТБУОТӢ. Дар Тоҷикистон 6 агентии иттиллоотӣ, аз инҳо 1 давлатӣ ва 5 мустақил фаъолият дорад
Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид