Фаъолияти волонтёрӣ роҳи хайрхоҳона буда, ҷомеаро ба анҷом додани корҳои созанда ва манфиатовар ҳидоят менамояд
ДУШАНБЕ, 06.12.2017 /АМИТ «Ховар»/. Дирӯз бахшида ба Рӯзи байналмилалии волонтёрон дар Донишгоҳи славянии Россия ва Тоҷикистон баҳри рӯҳбаланд гардонидани ихтиёриён ҳамоиши волонтёрони ҷумҳурӣ бо номи «Пешвои миллат- рамзи иттиҳод ва сарҷамъии мо» доир шуд.
Дар ҳамоиш раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иброз дошт, ки агар ба таърих нигоҳ кунем, мебинем, ки аз қадим миллати тоҷик маҳз ихтиёрӣ ва бо роҳи ҳашар ба якдигар кумак намуда, дар мушкилоти зиндагӣ дасти якдигарро мегирифтанд. Фаъолияти волонтёрӣ роҳи хайрхоҳонаест, ки ҷавонони хештаншиносу ватанпарварро барои анҷом додани корҳои созанда ва манфиатовар дар ҷомеа ҳидоят менамояд.
«Ҳоло дар Ҷумҳурии Тоҷикистон сафи зиёди волонтёронро мушоҳида кардан мумкин аст, ки баҳри дастгирии кӯдакону калонсолон, маъюбон, ҳифзи муҳити зист ва бурдани корҳои фаҳмондадиҳӣ, пешгирии падидаҳои номатлуб дар ҷомеа, аз қабили тамокукашӣ, нашъамандӣ, бемориҳои сироятӣ тамоми неру ва вақти худро сарф мекунанд. Имрӯз шумораи волонтёрони Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва сохторҳои маҳаллии он ба зиёда аз чор ҳазору чорсад нафар расидааст, ки ҳамаи онҳо дар баргузории барномаҳои ҷумҳурӣ мунтазам саҳм мегузоранд»,-зикр кард раиси Кумитаи кор бо ҷавонон ва варзиш.
Дар охири ҳамоиш «Пешвои миллат-рамзи иттиҳод ва сарҷамъии мо» ба волонтёрони фаъол туҳфа ва сипоснома супорида шуд.
Дар Донишгоҳи давлатии молия ва иқтисод дар мавзуи хизмат дар сафи Артиши миллӣ ҳамоиши ҷавонон доир шуд
Озмуни ҷумҳуриявии «Малакаи касбӣ» ҷамъбаст гардид
Вобаста ба мавзуи ҳифзи сирри давлатӣ дар воситаҳои ахбори омма машварати омӯзишӣ доир шуд
Намояндаи Тоҷикистон дар Бозиҳои Делфи соҳиби ҷойи сеюм ва медали биринҷӣ гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Брюссел дастовардҳои Тоҷикистон дар самти ҳуқуқи инсон муаррифӣ шуданд
Дар Душанбе маросими ҷоизасупорӣ ба аъзои беҳтарини Лигаи ҷавонони Тоҷикистон оид ба футбол доир гардид
Ҳунармандони Беларус ба сокинони шаҳри Ҳисор барномаи фарҳангӣ пешниҳод намуданд
Дар Донишгоҳи давлатии молия ва иқтисоди Тоҷикистон масоили мубориза бо экстремизм ва терроризм баррасӣ шуд
Барои хизматчиёни давлатӣ машғулияти такмили ихтисос гузаронида шуд
Имрӯз дар шаҳри Душанбе ҳаво то 20 дараҷа гарм мешавад
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
