Навраси тоҷик дар олимпиадаи илмӣ дар Боку ғолиб гардид!
ДУШАНБЕ, 18.12.2017 /АМИТ «Ховар»/. 10-15 декабр дар шаҳри Боку миёни хонандагони то 16- солаи кишварҳои узви Иттиҳоди Давлатҳои Мустақил аз илмҳои дақиқ- математика, физика ва химия олимпиада баргузор шуд.
Тавре аз Гимназия-интернати Тоҷикистону Россия «Ҳотам ва П.В.» хабар доданд, дастаи мунтахаби Тоҷикистон бо шумули Бобохон Ҳафизов, Суннатулло Саидов ва Далер Пиров аз рӯи ҳисоби миёнаи холҳои бадастовардаи аъзои даста ҷои чорумро ишғол намуд. Дар ба даст овардани чунин натиҷа саҳми хонандаи синфи 9 аз шаҳри Душанбе Далер Пиров бо гирифтани 69 хол ва хонандаи синфи 10 аз ноҳияи Данғара Бобохон Ҳафизов бо гирифтани 21 хол калон аст. Аъзои сеюми даста-хонандаи синфи 7 аз шаҳри Душанбе Сунатулло Саидов 7 хол ба даст овард. Шоистаи таҳсин аст, ки Далер Пиров шогирди Литсеи тоҷикӣ-русии «Хотам ва ПВ» бо бартарияти 20 хол нисбат ба ҷои дуюм, сазовори ҷои аввал ва медали тилло гардида, ғолиби мутлақи олимпиада дониста шуда, бо ноутбук сарфароз гардонида шуд. Аъзои дигари даста Бобохон Ҳафизов сазовори медали биринҷӣ ва планшет гардид.
Шоистаи зикр аст, ки олимпиадаи мазкур аз олимпиадаҳои фаннӣ бо он фарқ мекард, ки ҳар як иштирокчӣ на аз як фан, балки бояд аз се фан- математика, физика ва химия масъалаҳои нисбатан мушкилро ҳал мекард. Фарқияти дигари олимпиада аз он иборат буд, ки тамоми хароҷоти сафари иштирокчиён ва роҳбарони дастаи Тоҷикистонро худи созмондиҳандагони олимпиада-Вазорати ҷавонон ва спорти Озарбойҷон пардохт.
Ҳамзамон онҳо нисбат ба дастаи Тоҷикистон меҳрубонии зиёд ва истиқболи хосса зоҳир намуданд, ки боиси хушнудии наврасони тоҷик гардид.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
