Ширин Амонзода: «Боҷи гумрукӣ барои вуруди мошинҳои нави сабукраве, ки ба сайёҳон хизмат мерасонанд, 50 фоиз поён бурда мешавад»
ДУШАНБЕ, 20.12.2017 /АМИТ «Ховар»/. 19 декабри соли равон дар ноҳияи Файзобод семинари омӯзишӣ ва курси такмили ихтисоси кормандони соҳаи сайёҳӣ ва роҳбаладон барои ҳудудҳои табиии махсус муҳофизатшаванда доир гардид.
«Моҳи майи соли равон бо ташаббуси Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар назди Ҳукумати Ҷумҳурии Тоҷикистон сохтори алоҳида бо номи Кумитаи рушди сайёҳии назди Ҳукумати Ҷумҳурии Тоҷикистон таъсис ёфт. Кумитаи рушди сайёҳӣ барои амалӣ намудани сиёсати давлатӣ дар соҳаи сайёҳӣ таъсис ёфта, мақсади асосии он фароҳам овардани шароити мусоид барои татбиқи фаъолият дар бахши сайёҳӣ, баланд бардоштани рақобатпазирии бозори сайёҳии кишвар дар минтақа ва ҳам дар ҷаҳон мебошад»,- гуфт муовини раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода.
Ба иттилои Ширин Амонзода, ҳарчанд ки Кумитаи рушди сайёҳӣ ниҳоди навтаъсис аст, вале сиёсати давлатӣ дар татбиқи меъёрию ҳуқуқии амалкунанда ҳанӯз аз солҳои аввали ба даст овардани истиқлолияти ҷумҳурӣ амалӣ мегардад.
Соли 2007 Ҷумҳурии Тоҷикистон ҳамчун узви комилҳуқуқ ба Созмони умумиҷаҳонии сайёҳӣ пазируфта шуд, ки дар он 158 давлат ва 509 ташкилотҳои муассисаҳои узви вобастаи он фаъолият доранд.
Бояд гуфт, ки дар баробари таъсиси Кумитаи рушди сайёҳӣ дар ҷумҳурӣ, инчунин аз тарафи Пешвои миллат муҳтарам Эмомалӣ Раҳмон бо мақсади пешбурди ширкатҳои сайёҳӣ ва хизматрасонии арзанда имконият ва имтиёзҳо дода шуданд. Инчунин барои татбиқи пешниҳодҳои Сарвари давлат ба қонунҳои амалкунанда тағйирот ворид шуда, дастгириҳои давлатии рушди соҳаи сайёҳӣ дар доираҳои барномаҳои амалкунандаи рушди соҳаи сайёҳӣ барои солҳои 2015-2017 ва лоиҳаи ин барнома барои солҳои 2018-2020 таҳия гардида, ба Ҳукумати Ҷумҳурии Тоҷикистон ирсол карда шуд.
Ба иттилои муовини раиси Кумитаи рушди сайёҳии назди Ҳукумати Ҷумҳурии Тоҷикистон, нафароне, ки мехоҳанд барои боло бурдани сатҳу сифати хизматрасонӣ ба сайёҳони дохилӣ ва хориҷӣ ба кишвар мошинҳои нави сабукрав ворид кунанд, барои онҳо ба андозаи 50 фоиз меъёри боҷи гумрукӣ поён бурда мешавад.
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
