Ҳайати доварон аз Тоҷикистон дар бозии Ҷоми КФО-2018 ҳакамӣ мекунад
ДУШАНБЕ, 15.01.2018 /АМИТ «Ховар»/. Ҳайати доварон аз Тоҷикистон дар арсаи байналмилалӣ таҳти сарпарастии Конфедератсияи футболи Осиё /КФО/ аввалин таъйиноти худро дар соли равон ба даст овард. Ҳайат таҳти роҳбарии довари 32-солаи ФИФА Насрулло Кабиров дар бозии марҳилаи гурӯҳии Ҷоми КФО-2018 оид ба футбол ҳакамӣ мекунад. Дар ин бора ба АМИТ «Ховар» аз Федератсияи футболи Тоҷикистон хабар доданд.
Тавре иттилоъ дода мешавад, доварони тоҷик бозии даври сеюми гурӯҳи «А» миёни ғолиби ҷуфти плей-офф «Ҳилол Ал-Қудс» (Фаластин) – «Ал-Сувайк» (Уммон) ва «Ал-Ҷазира»-и Урдунро ҳакамӣ хоҳанд кард. Вохӯрии мазкур 5 март дар Фаластин ё Уммон баргузор хоҳад шуд.
«Дар канораҳои майдон ба Н. Кабиров ёрдамчиёни довари ФИФА – Акмал Буриеви 32-сола ва Хусрав Сиддиқзоди 26-сола кумак мекунанд. Довари эҳтиётӣ довари 27-солаи ФИФА Гулмуроди Саъдулло интихоб шудааст. Инчунин нозир Волтер Эдвард Перейра аз Ҳиндустон ва комиссари бозӣ Чуанг Чин-Фан аз Тайбейи Чин таъйин шудаанд», — омадааст дар иттилоияи ФФТ.
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
Дастаи мунтахаби Тоҷикистон оид ба футзал пеш аз Ҷоми Осиё-2026 се бозии санҷишӣ анҷом медиҳад
Таҷрибаи академияҳои маъруфи ҷиу-ҷитсуи ИМА барои рушди варзиш дар Тоҷикистон омӯхта мешавад
Дар Душанбе қуръакашии марҳилаи муқаддамотии Ҷоми ФФТ-2026 оид ба футбол баргузор шуд
Дар Тоҷикистон Фестивали бозиҳои миллии варзишӣ баргузор мегардад
