Дар Вазорати фарҳанги ҷумҳурӣ масоили тавсеаи самтҳои фаъолият ва эҷоди асарҳои муосири миллӣ баррасӣ гардид
ДУШАНБЕ, 18.01.2018. /АМИТ «Ховар»/. Дар Вазорати фарҳанги Ҷумҳурии Тоҷикистон ҷаласаи муштараки Шӯрои бадеии Вазорат ва Раёсати Иттифоқи композиторони Тоҷикистон баргузор гардид. Дар ҷаласа масъалаҳои омодагӣ ба баргузории чорабиниҳои сиёсию фарҳангӣ ва ҳамоишҳои байналмилалии сатҳи баланд, тавсеаи самтҳои фаъолият ва эҷоди асарҳои муосири миллӣ аз ҷониби композиторони тоҷик, ҳамаҷониба таблиғ намудани мусиқии касбии тоҷик ва классикони ҷаҳонӣ тавассути Оркестри созҳои миллӣ ва Оркестри симфонӣ, инчунин ҳавасманд гардонидани ҷавонони санъатдӯсту фарҳангпарвар баррасӣ гардиданд.
Зимнан, вобаста ба ташаббусҳои созандаи Президенти Ҷумҳурии Тоҷикистон муҳтарам Эмомалӣ Раҳмон ҳамчун пешоҳанги масъалаҳои байналмилалӣ оид ба проблемаҳои глобалии ҷаҳон, аз ҷумла, пазироии пешниҳоди Пешвои миллат ва қабул гардидани Қатъномаи Маҷмаи Умумии Созмони Милали Муттаҳид оид ба Даҳсолаи байналмилалии амал «Об барои рушди устувор» барои солҳои 2018-2028 аъзои Иттифоқи композиторони Тоҷикистон баҳри тарғиби васеъ ва эҷоди асарҳо вобаста ба он дар ҳамкорӣ бо иттифоқҳои эҷодӣ вазифадор шуданд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар ин замина баҳри ташаккули низоми самарабахши ҳавасмандгардонии неруи эҷодӣ барои асарҳои баландмазмуни замонавӣ, ки ғояи асосии онро тарғибу ташвиқи дастовардҳои Истиқлолияти давлатӣ, Ваҳдати миллӣ, якпорчагии Тоҷикистон, анъанаҳои гаронарзиши миллӣ, ифтихор аз Тоҷикистон ва мероси пурғановати ниёгон бояд ташкил диҳад, инчунин баланд бардоштани сатҳи бадеии барномаҳои фарҳангӣ ва нақши аҳли эҷод дар тарбияи маънавӣ ва сиёсии ҷомеа, оммавигардонии жанрҳои гуногуни мусиқии касбӣ, ғанӣ гардонидани репертураи оркестрҳои симфонӣ, созҳои миллӣ ва нафасӣ, ансамблҳои камеравӣ, гурӯҳҳои ҳамсароён ва дигар ансамблҳои эҷодӣ-касбӣ аз ҷониби композиторон таклифҳои судманд пешниҳод гардиданд.
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
