Мушкилоти обёрии заминҳои ноҳияи Сангвор то ҳол боқӣ мондааст

Январь 31, 2018 15:17

САНГВОР, 31.01.2018 /АМИТ «Ховар»/.  Идораи давлатии беҳдошти замин ва обёрии ноҳияи Сангвор дар тавозуни худ 11 шабакаи обёрӣ дорад, ки 6 шабакаи он дар истифода буда, 5 адади дигараш корношоям мебошанд. “Сабаби таъмир нагардидани каналҳои  номбурда набудани техника ва маблағҳои зарурӣ мебошад”,-мегӯянд масъулини ҳукумати ноҳияи Сангвор.

Идораи давлатии беҳдошти замин ва обёрии ноҳияи Сангвор соли 2017 дар барқарорсозии канал ва таъмири иншооти обгузар 14 ҳазору 371 сомонӣ масраф карда, аз 1944 га замини корами обӣ  500 га заминро бо оби полезӣ таъмин намудааст. Ҳаҷми обе, ки хоҷагиҳои деҳқонӣ аз заминҳои шартномавии корхона истифода бурдаанд, 1,2 миллион метри мукаабро дар бар мегирад, ки арзиши он ба 18 ҳазору 794 сомонӣ баробар аст.

Маблағи пешакии истифодаи об соли 2017 дар ноҳия 26 ҳазору 695 сомонӣ пардохт шудааст. Аз тарафи Агентии беҳдошти замин ва обёрии назди Ҳукумати Ҷумҳурии Тоҷикистон барои таъмири шабакаҳои обгузари ноҳия 228 ҳазор сомонӣ ҷудо гардида, маблағи мазкур  барои таъмиру барқарорсозии шабакаҳои обёрии Шакоб-Разак, Деҳаи Шоҳ, Хирз ва Лайрони поён масраф карда шуда, ҳоло корҳо дар ин самт идома доранд.

Тибқи иттилои масъулини ноҳия, мушкилоти асосӣ дар ин самт паст будани ҳолати мелиоративии зиёда аз 400 га заминҳои корам ва азхудкунии заминҳои корам дар ҷамоатҳои Тавилдара, Чилдара, Сангвор мебошад, ки барои бартараф кардани он маблағҳои зиёд заруранд. Мутаассифона, то ба ҳол сарчашмаи маблағгузорӣ пайдо нагардидааст.

 

Январь 31, 2018 15:17

Хабарҳои дигари ин бахш

«ПИРӢ ФАРО РАСИДААСТ, ЧӢ БОЯД КАРД?». Таҳти чунин унвон китоб ба нашр расид
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
«ИЛМ-ФУРӮҒИ МАЪРИФАТ». Дар ноҳияи Рӯдакӣ даври ноҳиявии озмуни ҷумҳуриявӣ баргузор гардид
РОҲСОЗӢ-КОРИ ХАЙР. Сокинони ноҳияи Спитамен маблағи барои ҳаҷ ҷамъовардаашонро дар мумфаршкунии роҳҳо сарф карданд
Имрӯз дар шаҳри Душанбе ҳаво 34 дараҷа гарм мешавад
Имрӯз дар шаҳри Душанбе ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил доир мегардад
Дар ноҳияи Фирдавсӣ ташкилоти ҳизбии «Ободкор» ва «Шири Ватан» таъсис дода шуданд
Дар шаҳри Санкт-Петербург ҷаласаи комиссияи доимии Ассамблеяи парламентӣ оид ба масъалаҳои ҳуқуқӣ баргузор гардид
Агар барқ хомӯш шуд – мо вориди интернет мешавем
Имрӯз дар Тоҷикистон ҳавои камабри бебориш пешгӯӣ мешавад
«ЧИЛ РӮЗИ ҲАЁТИ КӮДАКОН». Дар шаҳру ноҳияҳои Хатлон бахшида ба Рӯзи байналмилалии ҳифзи кӯдакон ҳамоишҳо доир мегарданд
«ТОҶИКИСТОНИ МАН!». Дар шаҳри Ҳисор ҳамоиши ҷоизасупорӣ ба ғолибони ин маҳфил-озмун доир гардид