ПАЛАТАИ ҲИСОБ: зимни гузаронидани 350 санҷиши аудиторӣ беш аз 171 миллион сомонӣ зарари молиявӣ муайян гардид

Январь 22, 2018 16:06

ДУШАНБЕ, 22.01.2018/АМИТ «Ховар»/. Дар соли сипаригардидаи 2017  Палатаи ҳисоби Ҷумҳурии Тоҷикистон  беш аз 171 миллион сомонӣ  зарари молиявиро  муайян намуд, ки ин маблағ  зимни гузаронидани  қариб 350 санҷиши аудиторӣ  дар вазорату идораҳо, субеъктҳои  хоҷагидории давлатӣ, Марказ ва гурӯҳҳои  татбиқи лоиҳаҳои  давлатии сармоягузорӣ, бонкҳо ва дигар муассисаҳои буҷетӣ ошкор гардид.

Дар ин хусус муовини раиси Палатаи ҳисоби Ҷумҳурии Тоҷикистон Заъфар Азимӣ 22 январ зимни натиҷагирӣ аз фаъолияти ин мақомоти олии назорати молиявӣ дар ҷамъи хабарнигорон  дар Душанбе гузориш дод.

Мавсуф гуфт, ки аз зарари  молиявии ошкоргардида хароҷоти  ғайриқонунии пулию молӣ 8,6 миллион сомонӣ,  камомад ва тасарруфи  воситаҳои пулию молӣ 4,7 миллион сомонӣ, изофанависӣ дар корҳои  таъмиру сохтмонӣ 15 миллион сомонӣ,  зарар аз фурӯш ва иҷораи амволи давлатӣ 65,5 миллион сомонӣ, талафи воситаҳои  пулию  молӣ 18,3 миллион сомонӣ ва маблағҳои  кам ҳисобгардида ва рӯйпӯшнамудаи андозҳо 59,3 миллион сомониро ташкил медиҳанд.

Ҳамзамон  таъкид гардид,  ки соли гузашта бо мақсади истифодаи самаранок ва мақсадноки  маблағҳои буҷетӣ санҷиши иҷрои  буҷетҳои маҳаллии 12 шаҳру ноҳияҳои  ҷумҳурӣ ба анҷом расонида шуд, ки дар раванди он 274  ташкилоту муассисаҳои  буҷетӣ мавриди санҷиши аудиторӣ қарор гирифта, ба маблағи 13,6 миллион сомонӣ зарари  молиявӣ муайян карда шуд.

Бояд тазаккур дод, ки Палатаи ҳисоби Ҷумҳурии Тоҷикистон мақоми олии назорати молиявии Ҷумҳурии  Тоҷикистон буда, соли 2011 дар асоси Фармони Президенти Ҷумҳурии Тоҷикистон Эмомалӣ Раҳмон таъсис дода шудааст.

Январь 22, 2018 16:06

Хабарҳои дигари ин бахш

Барои масъулини башхи молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд
Имрӯз дар Тоҷикистон ҳаво то 32 дараҷа гарм мешавад
ТАҚВИМИ АМИТ «ХОВАР»: имрӯз 2 июн, душанбе, 153-юмин рӯзи соли 2025 аст
Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд
Нақши Пешвои миллат дар ҳифзи сарчашмаҳои ҳаёт дар заминаи Истиқлол ва Ваҳдати миллӣ