Зиёд шудани муроҷиати шаҳрвандон аз эътимоди онҳо ба мақомоти Ваколатдор оид ба ҳуқуқи инсон гувоҳӣ медиҳад
ДУШАНБЕ, 22.12.2017 /АМИТ «Ховар»/. Соли сипаригардида дар мақомоти Ваколатдор оид ба ҳуқуқи инсон дар Ҷумҳурии Тоҷикистон муроҷиати шаҳрвандон нисбатан зиёд гардид. Ин нуктаро имрӯз, 22 январ Ваколатдор оид ба ҳуқуқи инсон дар Ҷумҳурии Тоҷикистон Зариф Ализода зимни нишасти матбуотӣ ба хабарнигорон иброз дошт. Ба ақидаи мавсуф, бештари муроҷиатҳо ба қабулгоҳҳо ва намояндагиҳои мақомот, ки дар минтақаҳо фаъолият доранд, ворид гардидаанд, ки аксари онҳо хусусияти иқтисодию иҷтимоӣ дошта, асосан ба масъалаҳои ҳуқуқи инсон, рӯёнидани алимент ва баромадан ба нафақа равона гардидаанд.
Зикр шуд, ки соли 2017 дар мақомоти Ваколатдор оид ба ҳуқуқи инсон (ВҲИ) 3 ҳазору 864 адад муроҷиат ба қайд гирифта шудаанд, ки аз онҳо 739 адад хаттӣ ва 3 ҳазору 125 адад шифоҳӣ мебошанд. Аз ин шумора 571 адад муроҷиатҳои хаттию шифоҳӣ ба дастгоҳи марказии мақомоти Ваколатдор оид ба ҳуқуқи инсон дар Ҷумҳурии Тоҷикистон ворид гардида, аз онҳо 60 адад ба таври мусбат ҳал карда шуданд.
«Муроҷиатҳое, ки ба Ваколатдор оид ба ҳуқуқи инсон ворид гардидаанд, бештар дар самтҳои ҳуқуқ ба муҳокимаи одилонаи судӣ, ҳуқуқ ба манзил, ҳуқуқи инсон ва мақомоти ҳифзи ҳуқуқ ва ҳуқуқ ба таъминоти иҷтимоӣ (алимент) мебошанд. Зиёд шудани муроҷиати шаҳрвандон гувоҳи эътимоди онҳо ба мақомоти Ваколатдор оид ба ҳуқуқи инсон ва ҳамкории зичи ду ҷониб мебошад, ки ин ба баланд гардидани маърифати ҳуқуқии шаҳрвандон мусоидат мекунад»,-гуфт Зариф Ализода.
Маврид ба зикри хос аст, ки дар Ҷумҳурии Тоҷикистон барои ҳамкории зичи мақомоти давлатӣ бо ҷомеа 23 июли соли 2016 Қонуни ҶТ «Дар бораи муроҷиатҳои шахсони воқеӣ ва ҳуқуқӣ» қабул гардидааст. Он муносибатҳоро вобаста ба тартиби пешниҳод ва баррасии муроҷиатҳои шахсони воқеӣ ва ҳуқуқӣ, ки ҷиҳати ҳимояи ҳуқуқу озодиҳо ва манфиати қонунии онҳо ба мақомоти ҳокимияти давлатӣ, мақомоти худидоракунии шаҳрак ва деҳот, иттиҳодияҳои ҷамъиятӣ, ташкилотҳо, муассисаҳо, корхонаҳо, сарфи назар аз шакли ташкилию ҳуқуқӣ ирсол гардидаанд, танзим менамояд.
Дар Суғд беш аз 75 ҳазор нафар кӯдакону наврасон ба истироҳат фаро гирифта мешаванд
Дар истироҳатгоҳи «Ширкент» зиёда аз 1300 нафар кӯдакону наврасон истироҳат менамоянд
Қарзи давлатии ҷаҳонӣ ба 102 триллион доллар расид
Дар ноҳияи Рӯдакӣ 933 ҳолати қоидавайронкунии истифодаи неруи барқ ошкор карда шуд
Дар Маркази солимгардонии Суғд беш аз 200 нафар кӯдакону наврасон ба истироҳат ҷалб гардидаанд
Сокинони Анқараро даъват карданд, ки обро сарфакорона истифода намоянд
Мегафон Тоҷикистон: «Вақте роҳати хона бештар аст»
Имрӯз дар шаҳри Душанбе ҳаво то 37 дараҷа гарм мешавад
САЙРИ БАДАХШОН. Дар вилоят 647 адад ёдгориҳои таърихӣ, табиӣ ва монументалӣ ҷойгир мебошанд
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
