Хиёбони марказии ноҳияи Ванҷ ва кӯчаҳои он комилан навсозӣ мешаванд
ХОРУҒ, 15.2.2018 /АМИТ «Ховар»/. Бо ибтикори Дирексияи сохтмони иншооти ҳукуматии Дастгоҳи иҷроияи Президенти ҷумҳурӣ хиёбони марказии ба номи Исмоили Сомонии ноҳияи Ванҷ ва кӯчаҳои маркази он комилан навсозӣ мешаванд. Муовини аввали раиси ин ноҳия Одинашоҳ Мардов гуфт, ки бо афзоиши босуръати аҳолӣ ва мошинҳои мусофирбару боркаш зарурати навсозии роҳи марказии ноҳия ва роҳи пиёдагард ба миён омад. Аз ин рӯ мақомоти иҷроияи ҳукумати маҳаллии ноҳия барои васеъ ва ҳамвор намудани роҳи марказӣ муроҷиат кард. Ҳукумати ҷумҳурӣ барои ҳамворсозии роҳ ва асфалтпӯш кардани он 17 миллион сомонӣ ҷудо кард. Айни замон сарфи назар аз иқлими сарди кӯҳистон ба маблағи 13 миллион сомонӣ корҳои сохтмонӣ анҷом дода шудаанд.
Дар баробари таҷдиди роҳи мошингарду пиёдагард ҳамчунин ҷӯйборҳои ҳарду тарафи роҳ ба таври замонавӣ сохта мешаванд. Ширкати «Помирэнерҷӣ» ба уҳда гирифтааст, ки ин роҳро бо чароғҳои барқӣ таъмин созад.
Ба иттилои муовини аввали ин ноҳия, Ҳукумати ҷумҳурӣ ва шахсан Пешвои миллат барои беҳтар намудани сатҳи зиндагии сокинони кӯҳистон аз ҳамаи тадбирҳои имконпазир истифода мебаранд. Дар давоми се соли охир барои бунёди биноҳои маъмурию иҷтимоӣ, тандурустию таълимӣ ва фарҳангӣ бештар аз 250 миллион сомонӣ масраф кардаанд.
Соли равон бинои сеошёнаи мақомоти иҷроияи ҳокимияти давлатии ноҳия ва бинои сеошёнаи муассисаи таҳсилоти миёнаи умумии рақами 4 дар маркази ноҳия бо зиёда аз 400 ҷои нишаст мавриди баҳрабардорӣ қарор мегиранд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
