ОБУ ҲАВО: имрӯз дар қаламрави Тоҷикистон ҳавои нисбатан гарм дар назар аст

ДУШАНБЕ, 09.02.2018 /АМИТ «Ховар»/. Ба иттилои Агентии обуҳавошиносӣ, имрӯз дар қаламрави ҷумҳурӣ ҳавои камабри тағйирёбанда ва бебориш пешгӯӣ карда шуда, дар баъзе ноҳияҳо вазиши сахти бод дар назар аст.

Имрӯз, 9 феврал ҳаво дар Вилояти Мухтори Кӯҳистони Бадахшон тағйирёбандаи абрнок мешавад. Дар ғарби вилоят шабона 9-14 дараҷа сард ва рӯзона 5 дараҷа гарм хоҳад шуд. Дар шарқи ин вилоят ҳаво шабона 20-25 ва рӯзона 3-8 дараҷа сард мегардад.

Ба иттилои Агентӣ, дар вилояти Суғд ҳаво абрноки тағйирёбанда шуда, шамол аз самти шарқ 4-9 ва дар баъзе ҷойҳо 20-25 метр дар як сония мевазад. Ҳаво дар водиҳо шабона 3-8 дараҷа сард ва рӯзона 3-8 дараҷа гарм хоҳад шуд.

Дар вилояти Хатлон ҳаво абрнок гашта, шамол аз самти шарқ 3-8  метр дар як сония мевазад. Дар водиҳо ҳаво шабона аз 4-1 ва рӯзона 9-14 дараҷа гарм мешавад.

Дар шаҳру ноҳияҳои тобеи марказ ҳаво тағйирёбандаи камабр ва бебориш шуда, шамол аз самти шарқ 3-8 метр дар як сония мевазад. Ҳаво  шабона 2-7 дараҷа сард ва рӯзона 10-15 дараҷа гарм мешавад.

Дар шаҳри Душанбе ҳавои абрноки тағйирёбандаи бебориш дар назар аст. Ҳаво шабона 4-6 дараҷа сард ва рӯзона 12 — 14 дараҷа гарм хоҳад шуд.

Бино ба иттилои Агентии обуҳавошиносӣ, ин гуна вазъи боду ҳаво то 13 феврал дар ҷумҳурӣ боқӣ хоҳад монд.