Президенти мамлакат: «Кумитаи миллии олимпӣ федератсияҳои варзиширо аз аккредитатсияи давлатӣ гузаронад»
ДУШАНБЕ, 14.02.2018 /АМИТ «Ховар»/. «Дар ҳоле, ки мо барои аксари навъҳои варзиш шароити мусоид ва толорҳои муосиру муҷаҳҳаз ба истифода додаем, дар баъзе навъҳои варзиш ягон дастоварди назаррас надорем. Дар толорҳо машқу тамрин бо низоми муайян ба роҳ монда нашудааст ва онҳо самаранок истифода намегарданд», — изҳори нигаронӣ карданд имрӯз Президенти Ҷумҳурии Тоҷикистон, Пешвои миллат, Президенти Кумитаи миллии олимпӣ муҳтарам Эмомалӣ Раҳмон зимни суханронӣ дар ҷаласаи Ассамблеяи генералии Кумитаи миллии олимпӣ ва мулоқот бо масъулини соҳаи варзиш.
Роҳбари давлат ҳамчунин доир ба дигар камбудиҳои ҷойдошта дар фаъолияти федератсияҳои варзишӣ, ки асосан ташкилоти ҷамъиятӣ буда, бо мақсади оммавӣ гардонидан ва инкишоф додани як ё якчанд намуди варзиш, инчунин ташкил ва гузаронидани мусобиқаҳои варзишӣ ва тайёр кардани дастаҳои мунтахаб таъсис дода шудаанд, ибрози андеша намуданд.
Президенти мамлакат, аз ҷумла, зикр намуданд, ки мутаассифона, аксари федератсияҳои варзишӣ дорои сохтори мукаммал набуда, дар онҳо мутахассисон намерасанд, ҳатто утоқи корӣ надоранд. Роҳбарони баъзе аз онҳо камфаъолият буда, дар ихтиёри худ ягон иншооти варзишӣ надоранд ва маоши кормандони худро сари вақт пардохта наметавонанд. Як қисми федератсияҳои варзишӣ дар доираи гурӯҳи хурди ҳамфикрон таъсис ёфта, нақши онҳо дар пешрафту оммавӣ гардонидани намудҳои варзиш назаррас нест. Аксари федератсияҳо корманди штатӣ ва сохтори муайяни корӣ надоранд, кормандони баъзеи онҳо аз суроға ва фаъолияти федератсияҳои худ дуруст огоҳ нестанд.
Аз 52 федератсияи варзишии амалкунанда танҳо 16 федератсия ба талаботи аккредитатсияи давлатӣ ҷавобгӯ мебошад.
«Бинобар ин, вақти он расидааст, ки фаъолияти федератсияҳои варзишӣ ҳамаҷониба санҷида, ҷиҳати аз аккредитатсияи давлатӣ гузаронидани онҳо тадбирҳои иловагӣ андешида шаванд. Аз ин рӯ, ба Кумитаи кор бо ҷавонон ва варзиш ва Кумитаи миллии олимпӣ супориш дода мешавад, ки барои тақвияти фаъолияти федератсияҳои варзишӣ чораҷӯӣ карда, дар асоси Қарори Ҳукумати Ҷумҳурии Тоҷикистон аз 30 октябри соли 2015 ҳамаи федератсияҳои варзиширо аз аккредитатсияи давлатӣ гузаронанд», — супориш доданд Сарвари давлат ба масъулини соҳа.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
