Прокурори генералии Ҷумҳурии Тоҷикистон бо Прокурори генералии Ҷумҳурии Ӯзбекистон мулоқот намуд

Февраль 8, 2018 17:09

ДУШАНБЕ 08.02.2018 /АМИТ «Ховар»/. Рӯзҳои 6-7 феврали соли 2018 Прокурори генералии Ҷумҳурии Тоҷикистон бо даъвати ҷониби Ӯзбекистон ба Ҷумҳурии ҳамсояи Ӯзбекистон сафари корӣ намуд. Дар ин бора ба АМИТ «Ховар» аз Маркази матбуоти Прокуратураи генералӣ иттилоъ доданд.

Зимни сафари корӣ мулоқоти Прокурори генералии Ҷумҳурии Тоҷикистон Юсуф Раҳмон бо Прокурори генералии Ҷумҳурии Ӯзбекистон Отабек Муродов баргузор гардид. Ҷонибҳо зикр карданд, ки сафари мазкур бо иродаи сиёсии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон  муҳтарам Шавкат Мирзиёев сурат гирифта, баёнгари идомаи муносибатҳои батадриҷ рушдёбандаи байни ду давлати ҳамсоя дар самти ҳамкории ҳуқуқӣ арзёбӣ карда шуд.

Зимни мулоқот масьалаҳои дурнамои ҳамкории дуҷонибаи ҳуқуқӣ, алалхусус ҳифзи ҳуқуқи шаҳрвандони якдигар,  дастгирии ҳуқуқии соҳибкорӣ ва бартараф намудани монеаҳои ғайриқонунии рушди он, кофтуков ва истирдоди шахсони дар кофтуков қарордошта, расонидани ёрии ҳуқуқӣ вобаста ба парвандаҳои ҷиноятӣ, созмон додани гурӯҳҳои муштараки тафтишотӣ барои тафтиши парвандаҳои ҷиноятии фаромиллӣ ва фаросарҳадӣ, ҳамкории дуҷонибаи прокуророн дар сатҳи прокуророни вилояту шаҳрҳои наздисарҳадӣ, муқовимат бо терроризм ва экстремизм, муомилоти ғайриқонунии маводи нашъадор ва дигар масъалаҳо баррасӣ гардиданд. Дар хотимаи мулоқот Созишномаи ҳамкории байниидоравӣ ба имзо расонида шуд.

Инчунин дар доираи сафари корӣ мулоқоти Прокурори генералии Ҷумҳурии Тоҷикистон Юсуф Раҳмон бо Вазири корҳои дохилии Ҷумҳурии Ӯзбекистон П. Бобоҷонов ва Раиси Суди Олии Ҷумҳурии Ӯзбекистон К. Комилов баргузор  гардида,  масъалаҳои ҳамкории минбаъдаи мақомоти ҳифзи ҳуқуқи Ҷумҳурии Тоҷикистон ва Ҷумҳурии Ӯзбекистон баррасӣ гардиданд.

Февраль 8, 2018 17:09

Хабарҳои дигари ин бахш

Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд