«ТАРБИЯИ НАСЛИ СОЛИМУ ОЯНДАСОЗ – РИСОЛАТИ ВОЛИДАЙН”. Таҳти ин ном дар Душанбе Конференсияи илмӣ-назариявӣ баргузор мегардад
![](https://khovar.tj/wp-content/uploads/2017/09/Dushanbe-plaza-e1519704997407.jpg)
ДУШАНБЕ, 27.02.2018 /АМИТ «Ховар»/. Бо ташаббуси мақомоти иҷроияи ҳокимияти давлатии шаҳри Душанбе 13 марти соли равон дар Муассисаи давлатии «Душанбе-Плаза» Конференсияи илмӣ-назариявӣ дар мавзӯи «Тарбияи насли солиму ояндасоз – рисолати волидайн» баргузор мегардад.
Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд.
Конференсияи мазкур бо мақсади боз ҳам баланд бардоштани масъулияти падару модар дар таълиму тарбияи фарзанд, инчунин дар рӯҳияи инсондӯстӣ, ифтихори ватандорӣ, эҳтиром ба арзишҳои миллӣ, умумибашарӣ ва фарҳангӣ ба камол расонидани насли наврас роҳандозӣ мегардад.