Вазорати тандурустӣ ва ҳифзи иҷтимоии аҳолӣ, Бонки миллӣ, Агентии хоҷагии ҷангал, Мақомоти иҷроияи ҳокимияти давлатии шаҳри Турсунзода нишасти матбуотӣ баргузор менамоянд

ДУШАНБЕ, 08.02.2018. /АМИТ «Ховар»/. Пагоҳ, 9 феврали соли 2018 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Бонки миллии Тоҷикистон, Агентии хоҷагии ҷангали назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Турсунзода, Донишкадаи идоракунии давлатии назди Президенти ҶТ ва филиали Донишгоҳи давлатии Масква ба номи М. Ломоносов дар Душанбе оид ба ҷамъбасти  фаъолият дар шашмоҳаи дуюми соли 2017 мутобиқи Амри Президенти Ҷумҳурии Тоҷикистон аз 15 сентябри соли 2011 нишасти матбуотӣ баргузор менамоянд.

Роҳбарони вазорату идораҳо ва ташкилоту муассисаҳо аз натиҷаҳои фаъолият дар нимаи дуюми соли гузашта маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизаҳои худро изҳор намуда, ба саволҳои намояндагони воситаҳои ахбори омма ҷавоб мегӯянд.

Нишасти матбуотии Бонки миллии Тоҷикистон соати 9 дар бинои Бонки миллӣ, нишасти матбуотии Донишкадаи идоракунии давлатии назди Президенти Ҷумҳурии Тоҷикистон соати 9 дар Маркази матбуоти «Ховар», нишасти матбуотии Мақомоти иҷроияи ҳокимияти давлатии шаҳри Турсунзода соати 9 дар бинои МИҲД шаҳри Турсунзода, нишасти матбуотии Агентии хоҷагии ҷангали назди  Ҳукумати Ҷумҳурии Тоҷикистон соати 10 дар бинои Агентии мазкур, нишасти матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон соати 11 дар бинои вазорат ва нишасти матбуотии филиали Донишгоҳи давлатии Москва ба номи М.Ломоносов дар Душанбе соати 10 дар бинои Донишгоҳ гузаронида мешаванд.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулони вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидани онҳо бояд мувофиқа намоянд (хиёбони Рӯдакӣ, 40, ошёнаи 2, телефонҳои 918-21-52-04, 93 -512-12-88, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.