Азим Иброҳим: имкониятҳои афзун намудани гардиши савдои хориҷӣ бо Қирғизистон зиёданд
ДУШАНБЕ, 25.03.2018 /АМИТ «Ховар»/. Чанде қабл дар шаҳри Душанбе ҷаласаи 16-уми Комиссияи байниҳукуматии Тоҷикистону Қирғизистон оид ба баррасии маҷмӯи масъалаҳои дуҷониба баргузор гардид.
Рӯзномаи ҷаласа иборат аз 17 банд ва фарогири баррасии масъалаҳои рушди ҳамкории мутақобилан судманд дар самтҳои самаранок истифода бурдани захираҳои обу энергетикӣ, саноат, кишоварзӣ, илму маъориф, тандурустӣ, гумрук, мубориза бо ҷиноятҳои иқтисодиву молиявӣ, рушди сайёҳӣ, нақлиёту хизматрасонӣ, муҳоҷирати меҳнатӣ, наздисарҳадӣ, интиқоли молу коло тавассути роҳҳои автомобилгарди ҳарду кишвар буд.
Иттилоъ дода шуд, ки гардиши савдои хориҷии байни ду кишвар дар соли 2017 ба 49,6 миллион баробар гардид, ки ин нисбат ба соли 2016 қариб ду маротиб зиёд аст. Агар ҳиссаи гардиши савдои хориҷии байни Ҷумҳурии Тоҷикистону Қирғизистон нисбат ба гардиши савдои хориҷии умумӣ дар соли 2016-ум 0,7%-ро ташкил медод, пас ин нишондиҳанда дар соли 2017 ба 1,4% баробар гардид. Аммо бо назардошти он ки имкониятҳои ҳарду кишвар дар ин самт ба маротиб зиёдтар мебошанд ва имконияти воқеии афзун намудани гардиши савдои хориҷӣ то 3-4 маротиби дигар вуҷуд дорад, ҳамраисони Комиссияи байниҳукуматӣ Азим Иброҳим ва Дайир Кенекеев ба вазорату идораҳои дахлдор супориш доданд, ки бозори истеҳсоливу истеъмолии ҳарду кишварро пурра омӯхта, барои ноил гардидан ба дастовардҳои беҳтар пешниҳодҳои мушаххасро таҳия ва ба ҳамраисони ҳарду комиссия пешниҳод намоянд.
Азим Иброҳим махсус қайд намуд, ки Ҷумҳурии Тоҷикистон ҳамкориҳо бо Ҷумҳурии Қирғизистонро аз самтҳои афзалиятноки сиёсати хориҷии худ мешуморад ва барои фароҳам овардани заминаи муносиб барои рушди ҳамкориҳои минбаъдаи мутақобилан судманд бо назардошти ҳимояи манфиатҳои миллӣ аз ҳамаи имкониятҳо самаранок истифода хоҳад намуд.
Махсус бояд қайд кард, ки зимни гузаронидани ҷаласа аз ҷониби ҳарду тараф рағбати ривоҷ додани ҳамкориҳо эҳсос мегардид. Натиҷагирии ҷаласа бо арҷгузории манфиатҳои ҳарду ҷониб ва бо ба имзо расонидани Протокол кори худро ба анҷом расонид.
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
