Дар Душанбе коршиносони миллӣ ва байналмилалии соҳаи бехатарии саноатӣ мубодилаи таҷриба мекунанд
ДУШАНБЕ, 13.03.2018 /АМИТ «Ховар»/. Имрӯз дар меҳмонхонаи «Серена»-и шаҳри Душанбе дар ҳошияи лоиҳаи «Таҳкими амнияти саноатӣ дар Осиёи Марказӣ тавассути амалисозӣ ва ҳамроҳшавӣ ба Конвенсияи Комиссияи иқтисодии СММ барои Аврупо оид ба таъсири фаромарзии садамаҳои саноатӣ» ҷаласаи коршиносони миллӣ оғоз гардид.
Тавре мудири бахши умумии Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Меҳрафзун Давлатзода ба мухбири АМИТ «Ховар» иттилоъ дод, ҷаласаи мазкур бо ташаббуси Комиссияи иқтисодии СММ барои Аврупо (UNECE) ба роҳ мода шуд.
Ба иттилои манбаъ, дар ҷаласа намояндаи Хадамоти назорати давлатии бехатарии корҳо дар саноат ва соҳаи кӯҳкорӣ ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, Комиссияи аврупоии иқтисодии СММ, Маркази омӯзиши бехатарии саноатӣ ва коршиноси Хадамоти федералии экологӣ-технологӣ ва назорати атомии Федератсияи Россия иштирок доранд.
Ҳадаф аз баргузории ҷаласаи мазкур табодули таҷрибаи мутахассисони соҳа ва коршиносони миллию байналмилалӣ дар соҳаи бехатарии саноатӣ, инчунин омӯзиши моҳияти «Конвенсия оид ба пешгирии садамаҳои истеҳсолии саноатӣ» ва муносибатҳои стратегӣ барои амалишавии нишондодҳои Конвенсия мебошад.
Ёдовар мешавем, ки ҷаласа пагоҳ, 14 март низ идома меёбад.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
