Мулоқоти навбатии аъзои Гурӯҳи «Дӯстони об» дар Ню-Йорк
ДУШАНБЕ, 06.03.2018./АМИТ «Ховар»/. 5 марти соли 2018 дар қароргоҳи СММ дар шаҳри Ню-Йорк (ИМА) таҳти раёсати Намояндаи доимии Ҷумҳурии Тоҷикистон дар СММ Маҳмадамин Маҳмадаминов мулоқоти навбатии аъзои Гурӯҳи “Дӯстони об” баргузор гардид. Дар ин бора ба АМИТ «Ховар» аз намояндагии доимии ҶТ дар СММ хабар доданд.
Гуфта мешавад, ки зимни мулоқот дар баробари аъзои гурӯҳи мазкур ҳамчунин Раиси Дастгоҳи Президенти Маҷмаи Умумии СММ Ф. Рузичка, намояндаи махсуси Панели сатҳи баланд оид ба масоили об Ҷ. Кунҷул ва дигарон маърӯза намуданд.
Намояндаи доимии Тоҷикистон М. Маҳмадаминов роҷеъ ба масъалаҳои амалисозии ташаббуси нави Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон – Даҳсолаи байналмилалии “Об барои рушди устувор, 2018-2028” ва раванди омодагӣ ба чорабиниҳои дарпешистодаи марбута, аз ҷумла чорабинии махсус оид ба оғози Даҳсола (22 марти 2018, Ню-Йорк) ва Конфронси байналмилалӣ оид ба татбиқи Даҳсолаи болозикр (20-22 июни 2018, Душанбе) маълумоти муфассал пешкаш намуд.
Дар рафти вохӯрӣ инчунин маърӯзаҳои Ф. Рузичка оид ба омодагӣ ба чорабинии муштараки Тоҷикистон ва Дафтари Президенти МУ СММ – Оғози расмии Даҳсолаи “Об барои рушди устувор, 2018-2028”, Ҷ. Кунҷул оид ба фаъолияти Панели сатҳи баланд оид ба масоили об ва дигар аъзоёни Гурӯҳи Дӯстони Об, аз ҷумла намояндагони ИМА, Россия, Канада, Финляндия, Қатар ва соири дигар давлатҳо оид ба масъалаҳои умдаи рӯзномаи ҷаҳонии об шунида шуданд.
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
1050-солагии Робияи Балхӣ ба Феҳристи бузургдоштҳои ЮНЕСКО ворид гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Бо ташаббуси Тоҷикистон қатъномаи «Устувонии Куруши бузург» дар иҷлоси 43-юми Конфронси генералии ЮНЕСКО қабул гардид
Дар Вашингтон муносибатҳои дуҷониба ва бисёрҷонибаи Тоҷикистон ва ИМА баррасӣ гардиданд
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Рӯзи Конститутсияи Ҷумҳурии Тоҷикистон дар Туркманистон таҷлил гардид
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Сироҷиддин Муҳриддин бо Ҷон Поммершейм мулоқот намуд
