НАВИДИ ХУШ! Дар сомонаи ВКХ Ӯзбекистон бахши хабарҳо бо забони тоҷикӣ кушода шуд

Март 13, 2018 15:49

ДУШАНБЕ, 13.03.2018 /АМИТ «Ховар»/. Вазорати корҳои хориҷии Ҷумҳурии Ӯзбекистон дар сомонаи расмии худ бахши хабарҳоро бо забони тоҷикӣ созмон дод. Дар ин бахш асосан хабарҳо дар бораи сафари давлатии Президенти Ӯзбекистон Шавкат Мирзиёев ба Душанбе ва дар бораи ифтитоҳи гузаргоҳҳои сарҳадии Тоҷикистону Ӯзбекистон ва ғайраҳо ҷой дода шудаанд.

То ин дам дар сомонаи Вазорати корҳои хориҷии Ӯзбекистон хабару мавод бо забонҳои ӯзбекӣ (лотинӣ), русӣ ва англисӣ интишор мешуданд.

«9 марти соли 2018 дар саҳифаи асосии сомонаи Вазорати корҳои хориҷии Ӯзбекистон бахши нав боз карда шуд, ки он ба тоҷикзабонон имкон медиҳад бо забони модарии худ бо рӯйдодҳои асосии сиёсии Ӯзбекистон шинос шаванд. Бахши нав бо мусоидати фаъоли ҳайати таҳририяи рӯзномаи Олий Мажлис /Маҷлиси Олӣ/ ва Ҳукумати Ҷумҳурии Ӯзбекистон «Овози тоҷик», ки аз соли 1924 инҷониб нашр мешавад, созмон дода шуд. Яке аз аввалин маводи бахши мазкур хабар дар бораи сафари давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон буд», — гуфта мешавад дар сомонаи ВКХ Ӯзбекистон.

Яке аз охирин маводи дар ин бахш ҷойдодашуда «Ӯзбекистон ва Тоҷикистон: марҳилаи нави ҳамкорӣ» ном дорад, ки дар он дар бораи сафари давлатии Ш. Мирзиёев ба Тоҷикистон гуфта шудааст. Аз ҷумла, дар он омадааст: «Дар Ӯзбекистон 1.5 миллион нафар тоҷикон зиндагӣ мекунанд, дар 10 минтақаи кишвар марказҳои фарҳангии тоҷикон фаъолият доранд ва дар донишгоҳҳои Самарқанд, Тирмиз ва Фарғона шуъбаҳои забони тоҷикӣ ҳастанд».

Дар маводи дигар фаъолони ҷомеаи тоҷикон дар Ӯзбекистон — Зоҳир Ҳасанзода ва Амина Шарофиддинова дар бораи гузаргоҳи сарҳадии «Саразм-Ҷартеппа», ки шаҳрҳои Панҷакент ва Самарқандро бо ҳам мепайвандад, андешаҳои худро баён доштаанд. «Одамони шиносу ношинос аз ин рӯйдоди фараҳбахш ва деринтизор масрур шуда, ҳамдигарро ба оғӯш мегиранд», -менависанд онҳо.

 

 

Март 13, 2018 15:49

Хабарҳои дигари ин бахш

Ҳунармандони Мастчоҳ соҳиби грантҳои раиси ноҳия шуданд
«НАҚШИ ҶАВОНОН ДАР ДАВРОНИ СОҲИБИСТИҚЛОЛӢ -ДАСТОВАРД ВА ДУРНАМО». Дар Душанбе ҳамоиши кормандони ҷавони соҳаи роҳи оҳан доир шуд
«МО НАКУНЕМ, КӢ МЕКУНАД?». Дар Душанбе бо иштироки волонтёрон аксияи зимистона баргузор гардид
Дар Академияи миллии илмҳои Тоҷикистон бахшида ба 30-солагии Ҳизби Халқии Демократии Тоҷикистон конференсия доир шуд
Дар Майотта бар асари тӯфони Чидо беш аз 20 нафар ҳалок гардид
Сардии ҳавои Бадахшон сабаби ҷорӣ шудани маҳдудият дар интиқоли муътадили неруи барқ гардид
Донишҷӯёни Донишгоҳи техникии Тоҷикистон дар Намоиш-озмуни «Меъмор-2024» соҳиби ҷойҳои намоён гардиданд
Онлайн-қарзҳо, такси, доруворӣ аз рӯи дорухат: Super App-и маъруф боз ҳам муносибтар шуд
ҲИЗБЕ, КИ ОРМОНҲОИ МАРДУМРО АМАЛӢ МЕНАМОЯД. Бардошт аз ҳамоиш дар Вазорати рушди иқтисод ва савдо
Имрӯз дар Тоҷикистон ҳавои тағйирёбандаи бебориш пешгӯӣ мешавад
Китобхонаи илмии Донишгоҳи давлатии Хоруғ баъди навсозӣ мавриди истифода қарор дода шуд
Дар Шаҳринав баҳри таъмини бехатарии ҳаракати нақлиёт ва пиёдагардон корҳои тозакунии роҳ аз барф идома доранд