ШАВКАТ МИРЗИЁЕВ, ПРЕЗИДЕНТИ ҶУМҲУРИИ ӮЗБЕКИСТОН: «МАН БА БАРОДАРАМ, ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН ДАРВОЗАҲОИ РАМЗӢ ТУҲФА НАМУДАМ»
ДУШАНБЕ, 10.03.2018. /АМИТ «Ховар»/. Президенти Ҷумҳурии Ӯзбекистон Шавкат Мирзиёев ба Президенти Ҷумҳурии Тоҷикистон Эмомалӣ Раҳмон ҳамчун хотира аз рӯзҳои 9-10 марти соли 2018, ки ӯ онҳоро «рӯзҳои таърихӣ» номид, дарвозаи рамзии тиллоӣ туҳфа намуд. Дар ин бора Президенти Ӯзбекистон зимни суханронӣ дар консерти устодони санъати ҳарду давлат бо номи «Шоми дӯстӣ», ки 9 март дар «Кохи Борбад» баргузор гардид, изҳори назар кард.
«Медонед, ман аз самими дил ду парчам ва ду дарвоза омода кардам ва ба устоҳо фармоиш додам, ки дарвозаҳоро тавре созанд, ки онҳо ҳеҷ гоҳ пӯшида нашаванд, — зикр намуд ӯ. — Эмомалӣ Шарифович гуфтанд, ки онҳоро дар осорхона хоҳанд гузошт ва онҳо дороии халқи Тоҷикистон ва Ӯзбекистон хоҳанд буд».
Ин суханони роҳбари Ӯзбекистони бародарро ҳозирин бо қарсакҳо истиқбол гирифтанд. Дар ҳақиқат, дарвоза ҳанӯз аз замонҳои қадим рамзи ҳикмат, сарҳади байни ду ҷаҳон ва ду марҳилаи ҳаёти одамон маҳсуб мешавад. Тасодуфӣ нест, ки Шавкат Мирзиёев рӯзҳои 9-10 марти соли 2018-ро рӯзҳои тавлиди муносибатҳои нави байни ду кишвар номид. Ӯ дар идома аз муносибатҳои бародаронаи халқҳои тоҷику ӯзбек, ки ҳамеша чун сарчашмаи илҳом барои аҳли эҷод хизмат кардаанд, ёдовар шуда, гуфтаи Шоири халқии Ӯзбекистон Абдулло Ориповро мисол овард: «Халқҳои мо ба мисли ду мисраи як ғазаланд».
Шавкат Мирзиёев ба ходимони фарҳанг, санъат ва илми ду кишвар бо чунин гуфтаҳо муроҷиат кард: «Анъанаҳои неки дӯстӣ, ҳамдигарфаҳмӣ ва ҳамкорӣ миёни халқҳои ӯзбеку тоҷик имрӯз чун обу ҳаво ба мо заруранд. Дар пеши наслҳои ояндаи халқҳоямон вазифаи муқаддаси мо – ин анъанаҳоро ҳифз ва афзун кардан аст. Мо бояд пулҳои нави дӯстӣ ва роҳҳои нави абрешими фароху амнро барои фарзандону наберагонамон бунёд кунем».
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
