Тоҷикистон – дар Намоишгоҳи байналмилалии сайёҳии «Интурмаркет»
ДУШАНБЕ, 10.03.2018./АМИТ «Ховар»/. 10 март дар Маҷмааи намоишгоҳҳои «Крокус Экспо»-и шаҳри Москваи Федератсияи Россия 13-умин Намоишгоҳи байналмилалии сайёҳии «Интурмаркет-2018» оғоз гардид, ки он то 12 март давом мекунад. Дар ин бора ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Намоишгоҳро муовини Сарвазири Федератсияи Россия Виталий Мутко ва муовини роҳбари Ташкилоти умумиҷаҳонии туристии (UNWTO) Созмони Милали муттаҳид Золтан Шомоги ҳусни ифтитоҳ бахшиданд. З. Шомоги зикр намуд, ки соли гузашта теъдоди чорабиниҳои сайёҳӣ дар дунё аз ҳудуди 1, 2 миллиард убур намуд.
Қобили зикр аст, ки «Интурмаркет» одатан ба сайёҳии дохилӣ бахшида мешавад, вале дар он имсол шарикони доимӣ аз Юнон, Булғория, Туркия, Испания, Чин ва дигар кишварҳо низ даъват шудаанд. Дар байни онҳо Ҷумҳурии Тоҷикистон низ ҳаст.
Дар намоишгоҳи имсола гӯшаи сайёҳии Тоҷикистонро намояндагони Кумитаи рушди сайёҳии назди Ҳукумати Ҷумҳурии Тоҷикистон якҷо бо ширкатҳои сайёҳии ватанӣ зери шиори «Тоҷикистон- Боми ҷаҳон» таҳти сарпарастии Президенти Федератсияи футболи Тоҷикистон Рустами Эмомалӣ муаррифӣ менамоянд.
Намоишгоҳи мазкур дар майдони 2800 метри мураббаъ бо иштироки 1430 ширкатҳои сайёҳӣ, 78500 нафар иштирокчӣ аз 143 кишвар дар назар дошта шудааст.
Ҳадаф аз иштирок дар намоишгоҳи мазкур муаррифии шоистаи захираҳо ва имкониятҳои сайёҳии Тоҷикистон барои ҷалби сайёҳон аз Федератсияи Россия ва дигар мамлакатҳо мебошад.
Қобили тазаккур аст, ки зери сиёсати хирадмандонаи Пешвои миллат муҳтарам Эмомалӣ Раҳмон сайёҳӣ ҳамчун бахши муҳиму ояндадори иқтисоди миллӣ аҳамияти тоза касб намуда, тавассути иштирок дар намоишгоҳҳо ва дигар чорабиниҳои бонуфузи байналмилалӣ симои Тоҷикистон ҳамчун мамлакати осоишта ва дорои имкониятҳои бойи сайёҳӣ дар бозори ҷаҳонии сайёҳӣ устувор мешавад ва таваҷҷуҳи сайёҳони хориҷӣ ба Ватани азизамон пайваста зиёд мегардад.
Хотиррасон менамоем, ки дар чорчӯбаи намоишгоҳҳои «Крокус Экспо» конференсия оид ба масъалаҳои рушди сайёҳии дохилӣ, семинари якҷояи «Ростуризм» ва UNWTO оид ба рушди хатсайрҳои байниминтақавии «Роҳи абрешим», ҷаласаи машваратии гурӯҳи корӣ оид ба масъалаҳои тарғиби Чемпионати ҷаҳон оид ба футбол-2018 ва Ҷоми Конфедератсия, инчунин дигар чорабиниҳо доир карда мешаванд.
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
