БОЗ ЯК НАВГОНӢ ДАР СОҲАИ ТУРИЗМИ ТОҶИКИСТОН: ба сайёҳоне, ки ба кишвари мо меоянд, симкортҳои махсус пешниҳод карда мешаванд
ДУШАНБЕ, 26.04.2018. /АМИТ «Ховар»/. Бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Хадамоти алоқаи назди Ҳукумати Ҷумҳурии Тоҷикистон якҷоя бо ширкати мобилии «Tcell» таҳти сарпарастии Президенти Федератсияи футболи Тоҷикистон Рустами Эмомалӣ ба сайёҳоне, ки ба Тоҷикистон ташриф меоранд, симкортҳои махсус пешниҳод мегарданд.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, зимни муаррифии симкорти мазкур зикр гардид, ки ҳангоми фаъол намудани симкорт бо таври автоматӣ 50 дақиқа суҳбати ройгон, 100 мб Интернет ва 150 смс ё худ паёмакро дар худ дорад, ки сайёҳон метавонанд аз ин хизматрасонӣ ба таври ройгон ҳамчун туҳфа истифода намоянд. Ҳамзамон, ҳангоми фаъол гардонидани симкорт маълумот бо се забон — тоҷикӣ, русӣ ва англисӣ дар бораи меҳмонхонаҳо, маконҳои тамошобоб, осоишгоҳҳо, табобатгоҳҳо, тарабхонаҳо ва хизматрасонии таксӣ фиристода мешавад.
Дар фурудгоҳ сайёҳон бо тарзи хоса пешвоз гирифта шуда, аз меҳмоннавозии тоҷикона аз наздик ошноӣ пайдо мекунанд. Инчунин, дар фурудгоҳ меҳмонону сайёҳон метавонанд, тавассути хизматрасонии ширкати мобилии «Tcell» аз интернети босуръати бесими Wi-Fi ройгон истифода намоянд.
Бояд зикр намуд, ки симкортҳо барои сайёҳон тавассути ширкатҳои сайёҳӣ дар фурудгоҳҳо, меҳмонхонаҳо, осоишгоҳҳо ва нуқтаҳои хизматрасонии нақлиётӣ пешниҳод шуда, нархҳои дастрас ва алоқаи босифати коммуникатсионии байналмилалӣ таъмин карда мешавад.
Дар баробари ин аз ҷониби ширкати мобилии «Tcell» тарофаҳои зиёд пешниҳод гардида, хизматрасонии интернетии босуръати 2G, 3G ва 4G пешниҳод карда мешавад.
Инчунин барои симкортҳои мазкур «Call center»-и махсус барои мизоҷони корпоративӣ таъмин карда шудааст.
Қобили тазаккур аст, ки роҳандозӣ гардидани иқдоми мазкур рушди технологияҳои иттилоотию коммуникатсионӣ дар бахши сайёҳӣ ва дастрасӣ ба мавзеъҳои сайёҳиро осон ва васеъ намуда, сатҳи хизматрасониро бамаротиб боло мебарад.
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
