Дар ҳавзаи якмандатии интихоботии Ванҷ №40 интихоботи миёнадаврӣ гузаронида мешавад
ДУШАНБЕ, 17.04.2018 /АМИТ «Ховар»/. 17 июни соли равон дар ҳавзаи якмандатии интихоботии Ванҷ №40 интихоботи миёнадаврӣ ба ивази вакили хориҷшудаи Маҷлиси намояндагони Маҷлиси Олии Ҷумҳурии Тоҷикистон баргузор мегардад. Дар ин росто, 17 апрел аъзои Комиссияи марказии интихобот ва райъпурсии /КМИР/ Ҷумҳурии Тоҷикистон дар ҷаласаи КМИР, ки таҳти раёсати раиси КМИР Бахтиёр Худоёрзода доир гардид, қарори марбута қабул намуданд.
Зикр шуд, ки бо қарори Маҷлиси намояндагони Маҷлиси Олии Ҷумҳурии Тоҷикистон, 4 апрели соли равон ваколати вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Ванҷ №40 Рӯзадор Муҳаббатшо бо сабаби вафоташ пеш аз муҳлат қатъ гардид.
Хабарнигори АМИТ «Ховар» иттилоъ медиҳад, ки ҳамзамон дар ҷаласаи КМИР оид ба ташкили комиссияи ҳавзавии интихоботӣ дар ҳавзаи якмандатии интихоботии Ванҷ №40 қарор қабул гардида, ҳайати он муайян карда шуд.
Инчунин аъзои КМИР тақвими чорабиниҳои асосӣ оид ба омодагӣ ва гузаронидани интихоботи миёнадаврӣ дар ҳавзаи якмандатии интихоботии Ванҷ №40-ро тасдиқ намуданд.
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
Пагоҳ дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Ҳавопаймо дар наздикии фурудгоҳи Вашингтон ба дарё афтод
Имрӯз дар Тоҷикистон ҳавои бебориш пешгӯӣ мешавад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
