Дар Душанбе Конференсияи ҷумҳуриявии «Истифодаи технологияи иттилоотӣ дар раванди таълим. Дастовард, мушкилот ва дурнамои рушд» доир шуд
ДУШАНБЕ, 26.04.2018 /АМИТ «Ховар»/. Имрӯз дар шаҳри Душанбе Конференсияи ҷумҳуриявӣ таҳти унвони «Истифодаи технологияи иттилоотӣ дар раванди таълим. Дастовард, мушкилот ва дурнамои рушд» баргузор гардид.
Дар кори конфронс муовини аввали Вазири маориф ва илми Ҷумҳурии Тоҷикистон Раҳматулло Мирбобоев, директори Муассисаи давлатии «Маркази ҷумҳуриявии технологияи информатсионӣ ва коммуникатсия» Киромиддин Назаров, инчунин намояндагони марказ ва шуъбаҳои маорифи шаҳру ноҳияҳои ҷумҳурӣ иштирок намуданд.
Тавре мухбири АМИТ «Ховар» хабар медиҳад, дар кори конфронс муовини аввали Вазири маориф ва илми Ҷумҳурии Тоҷикистон Раҳматулло Мирбобоев баромад намуда, зикр кард, ки имрӯз Ҳукумати Ҷумҳурии Тоҷикистон, аз ҷумла Вазорати маориф ва илми Ҷумҳурии Тоҷикистон ба рушди низоми иттилоотигардонии соҳаи маориф ва истифода намудани технологияҳои итиоолтиву комуникатсионӣ дар раванди таълиму тарбия аҳамияти ҷиддӣ медиҳад.
«Таҷрибаи байналмилалӣ нишон медиҳад, ки истифодаи технологияҳои иттилоотӣ рушди низоми идоракунии соҳаи маориф ва самаранокии фаъолияти сохторҳои гуногунро афзун карда, имконият медиҳад, ки иттилоот ҳамчун воситаи муҳимтарин дар таълиму тарбия ва дар идоракунии тамоми субъектҳои соҳа васеъ истифода карда шавад»,-изҳор дошт Р.Мирбобоев.
Ҳамчунин таъкид гардид, ки дар назди Вазорати маориф ва илми Ҷумҳурии Тоҷикистон Шӯрои технологияҳои иттилотии комуникатсионӣ бо ҷалби масъулини вазорат, мутахассисон аз муассисаҳои таҳсилоти олии касбӣ ва шарикони ҳамкор таъсис дода шуд, ки он дар дастрас кардани технологияҳои замонавии иттилоотии комуникатсионӣ ва истифодаи онҳо дар раванди таълим, инчунин дар омӯзонидани ҷавонони кишвар саҳми худро гузошта истодааст.
Дар конференсияи мазкур ҳамчунин масъалаҳои истифодаи муносибатҳои салоҳиятнокӣ дар фанни технологияи иттилоотӣ, афзалияти истифодабарии китобҳои электронӣ дар раванди таълим, истифодабарии усулҳои фаъоли таълим дар дарсҳои технологияи иттилоотӣ ва истифодаи бозиҳои таълимии компиютерӣ дар раванди таълим матраҳ гардиданд.
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
