ХИЗМАТ БА ВАТАН-ИФТИХОРИ ҶАВОНМАРДОН. Наваскарон ба ҳимояи Ватан раҳсипор мегарданд
ДУШАНБЕ, 04.04.2018. /АМИТ «Ховар»/. Маъракаи даъвати баҳории ҷавонон ба сафи Қувваҳои мусаллаҳи мамлакат оғоз шуд ва гурӯҳи аввалини ҷавонписарон барои ба хизмати ҳарбӣ омода гардидан аз муоинаи тиббӣ гузаштанд. Ба ин муносибат дар назди Парчами давлатии Ҷумҳурии Тоҷикистон, воқеъ дар шаҳри Кӯлоб ҷамъомади тантанавӣ баргузор шуд.
Тавре аз Кумитаи иҷроияи Ҳизби Халқии Демократии Тоҷикистон дар шаҳри Кӯлоб хабар доданд, дар ҷамъомад раиси шаҳри Кӯлоб Хайрулло Амонулло сухан намуда, хизмат дар сафи Артишро шарафу ифтихори ҷавонмардӣ арзёбӣ намуд.
Дар ҷамъомад роҳбарияти комиссариати ҳарбӣ, модарони даъватшавандагон ва раиси Шӯрои собиқадорони ҷангу меҳнати минтақаи Кӯлоб иброз намуданд, ки ҷавонони Кӯлобшаҳри бостонӣ қарзи ватандории худро ҳамчун ворисони бонангу номуси гузаштагони худ сарбаландона иҷро намуда, марзу буми кишварро бо дилу ҷон ҳифз менамоянд. Онҳо бо ин амали хеш садоқати худро ҳамчун муҳофиз ва такягоҳи боэътимоди Ватан исбот месозанд.
Дар ҷамъомад ба наваскарон барои ҳимояи Ватани аҷдодӣ роҳи сафед ва далерӣ таманно гардид.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати фарҳанг, кумитаҳои телевизион ва радио, хоҷагии манзилию коммуналӣ, Ваколатдор оид ба ҳуқуқи инсон ва «Телевизиони Сафина» нишасти матбуотӣ доир мегардад
Дар шаҳри Хоруғ Моҳвораи маҳфилҳои зеҳнию маърифатӣ ва бозиҳои варзишию ҳарбӣ оғоз ёфт
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар баъзе ноҳияҳои Тоҷикистон туман мефарояд
Китоби «Ҷойгоҳи забони тоҷикӣ дар забони туркӣ» аз чоп баромад
Имрӯз дар ноҳияҳои алоҳидаи Тоҷикистон барф меборад
Конференсияи Созмони Милали Муттаҳид оид ба бесилоҳшавӣ то 28 март давом мекунад
Шумораи ҳалокшудагон бар асари сӯхтор дар меҳмонхонаи Туркия ба 76 нафар расид
