Ҷаласаи навбатии Шӯрои намояндагони доимӣ ва ваколатдори давлатҳои аъзои ИДМ дар Минск баргузор гардид
ДУШАНБЕ, 24.05.2018 /АМИТ «Ховар»/. 22 майи соли 2018 дар Кумитаи иҷроияи Иттиҳоди Давлатҳои Мустақил дар шаҳри Минск таҳти раисии Ҷумҳурии Тоҷикистон ҷаласаи навбатии Шӯрои намояндагони доимӣ ва ваколатдори давлатҳои иштирокчии Иттиҳод дар назди мақомоти расмӣ ва мақомоти дигари ИДМ баргузор гардид. Бо ибтикори Сафорати Ҷумҳурии Тоҷикистон дар Ҷумҳурии Беларус дар рӯзномаи ҷаласа банди алоҳида роҷеъ ба Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028» ворид гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар ҷаласаи мазкур аъзои Шӯро доир ба рафти иҷрои Қарори Шӯрои намояндагони доимии Иттиҳод аз 18 апрели соли 2017 оид ба баланд бардоштани самаранокии дастгирии иттилоотии ИДМ ва роҷеъ ба рафти фаъолияти сомонаҳои мақомоти Иттиҳоди Давлатҳои Мустақил мубодилаи афкор намуданд. Ҳамзамон мутобиқи рӯзномаи ҷаласаи навбатии Шӯрои вазирони корҳои хориҷӣ ва Шӯрои сарони давлатҳои ИДМ, ки рӯзҳои 27 ва 28 сентябри соли ҷорӣ дар шаҳри Душанбе баргузор мегардад, пешниҳодҳо ба лоиҳаҳои рӯзнома мавриди муҳокима қарор дода шуданд.
Дар рафти ҷаласа Раиси Шӯро, Намояндаи доимӣ ва ваколатдори Ҷумҳурии Тоҷикистон дар назди мақомоти расмӣ ва мақомоти дигари ИДМ, Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод таваҷҷуҳи иштирокдоронро оид ба ташаббуси ҷаҳонии Тоҷикистон дар соҳаи об ва мақсади баргузории Конфронси байналмилалии сатҳи баланд оид ба Даҳсолаи байналмилалии амал “Об барои рушди устувор, 2018-2028”, ки бо ибтикори Ҳукумати Ҷумҳурии Тоҷикистон дар ҳамкорӣ бо Созмони Милали Муттаҳид ва шарикони дигар баргузор мегардад, ҷалб намуд.
Дар ин робита Сафир аз ҳамаи намояндагони давлатҳои аъзои ИДМ ҷиҳати иштироки фаъоли намояндагони кишварҳояшон дар кори Конфронси мазкур даъват ба амал овард.
Тоҷикистон аъзои Гурӯҳи дӯстони Эътилофи тамаддунҳои СММ гардид
Гӯшаи фарҳангии Тоҷикистон дар Фестивали оила ва кӯдак дар шаҳри Кванҷуи Корея ташкил карда шуд
Ҳайати Тоҷикистон дар Нишасти сатҳи баланди Конвенсияҳои Базел, Роттердам ва Стокҳолм иштирок намуд
Сафири Тоҷикистон бо Директори генералии Маркази омӯзиш ва таҳқиқоти стратегии Амороти Муттаҳидаи Араб мулоқот намуд
Акрам Каримӣ бо раиси Федератсияи палатаҳои тиҷоратии Арабистони Саудӣ мулоқот намуд
Дар шаҳри Масқат дар мавзуи тақвияти муносибатҳои дуҷонибаи Тоҷикистон ва Уммон ҳамоиш доир гардид
Дар Душанбе вобаста ба ҳамгироии давлатҳои Осиёи Марказӣ ҳамоиш доир шуд
Сафири Тоҷикистон ба Вазири корҳои хориҷии Марокаш нусхаи эътимоднома супорид
Дурнамои таҳкими равобит байни Тоҷикистон ва Уммон баррасӣ гардид
Дар Арабистони Саудӣ масъалаҳои хамкории дуҷониба дар бахши воридоту содирот баррасӣ гардид
Акрам Каримӣ бо Дабири кулли Созмони ҳамкории исломӣ мулоқот намуд
Тсюй Дунъюй: «Созмони озуқаворӣ ва кишоварзии Созмони Милали Муттаҳид ҳамеша омодаи ҳамкорӣ бо Тоҷикистон аст»
