Дар Душанбе Конфронси минтақавӣ таҳти унвони «Инноватсия ва масъалаҳои мубрами асабшиносӣ» ба кори худ шурӯъ кард
ДУШАНБЕ, 17.05.2018. /АМИТ «Ховар»/. Имрӯз дар Китобхонаи миллии Тоҷикистон Конфронси минтақавӣ таҳти унвони «Инноватсия ва масъалаҳои мубрами асабшиносӣ» ва нахустин Анҷумани асабшиносони Ҷумҳурии Тоҷикистон ба кори худ шурӯъ кард.
Тавре хабарнигори АМИТ» Ховар» аз ҷараёни ин чорабинӣ иттилоъ дод, конфронс ва анҷумани мазкур бо Қарори Ҳукумати Ҷумҳурии Тоҷикистон баҳри рушди илми асабшиносӣ дар кишвар баргузор мегарданд.
Яке аз масъулини баргузории ин чорабинӣ, мудири кафедраи асабшиносӣ ва асосҳои ирсияти тиббии Донишгоҳи давлатии тиббии Тоҷикистон ба номи Абӯалӣ ибни Сино, профессор Раҳматулло Раҳмонов ба хабарнигори АМИТ «Ховар» иброз дошт, ки дар анҷуман масъалаҳои мубрами соҳаи асабшиносӣ — яке аз самтҳои муҳими соҳаи тандурустӣ баррасӣ хоҳанд шуд.
«Дар анҷумани имрӯза зиёда аз 20 нафар олимони забардасти соҳаи асабшиносӣ аз кишварҳои хориҷ иштирок доранд. Онҳо атрофи мушкилоти соҳаи асабшиносӣ, инноватсия ва навовариҳо дар соҳаи асабшиносӣ суҳбат хоҳанд кард, ки ба манфиати илми асабшиносии кишвар аст»,- таъкид дошт Раҳматулло Раҳмонов.
Ҳамчунин зикр карда шуд, ки баргузории конфронс ва анҷуман равобити асабшиносони тоҷик бо олимони минтақа ва ҷаҳонро зичтар гардонида, барои рушди илми асабшиносӣ дар кишвар мусоидат менамояд.
Конфронси минтақавӣ таҳти унвони «Инноватсия ва масъалаҳои мубрами асабшиносӣ» ду рӯз давом мекунад.
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
