Дар Қӯшунҳои сарҳадии КДАМ оид ба фаъолияти хизматӣ дар семоҳаи якуми соли 2018 ҷаласа баргузор шуд
ДУШАНБЕ, 05.05.2018 /АМИТ «Ховар»/. Давоми се моҳи соли 2018 ҷузъу томҳои Қӯшунҳои сарҳадии КДАМ ҶТ дар якҷоягӣ бо мақомоти қудратӣ 16 амалиёти махсус баргузор карда, дар ҳамкорӣ бо онҳо 485 кг 787 гр маводи нашаъдор, аз ҷумла 45 кг 848 гр героин, 131 кг 051 гр афюн, 235 кг 988 гр ҳашиш, 72 кг 900 гр бангдона (канабис) ва 125 кг 850 гр прекурсорҳоро дарёфт ва мусодира кардаанд.
Дар ин бора сардори Маркази матбуоти Қушунҳои сарҳадӣ М. Улуғхоҷаев ба АМИТ «Ховар» иттилоъ дода, зикр кард, ки дар Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бо иштироки Фармондеҳи Қӯшунҳои сарҳадӣ, муовинон, сардорони раёсатҳои Дастгоҳи марказӣ ва минтақавӣ, отрядҳои сарҳадӣ ва дигар ҷузъу томҳои Қӯшунҳои сарҳадӣ ҷаласаи ҷамъбастии фаъолияти хизматӣ-ҷангӣ дар се моҳаи якуми соли 2018 баргузор гардид.
Ба иттилои манбаъ, ки дар давраи семоҳаи аввал бо қочоқчиён ва вайронкунандагони хати сарҳад 7 маротиба задухӯрди мусаллаҳона сурат гирифта, дар натиҷа 3 нафар қочоқчӣ нобуд ва 10 нафари дигар дастгир карда шуданд. Нӯҳ маротиба убури ғайриқонунии хати сарҳад пешгирӣ карда шудааст.
Аз ҷониби мақомоти назорати сарҳадӣ дар гузаргоҳҳои Сарҳади давлатӣ 165 нафар, аз ҷумла 140 нафар шахсони дар рӯйхати кофтуков қарордошта дастгир шуда, пас аз тартиб додани ҳуҷҷатҳои лозима ба мақомоти дахлдор супорида шуданд.
Дар ҷаласа камбудиҳои ҷойдошта дар фаъолияти Қӯшунҳои сарҳадӣ муҳокима гардида, барои бартараф намудани онҳо аз ҷониби Фармондеҳи Қӯшунҳои сарҳадӣ ба сардорони Раёсатҳо, отрядҳои сарҳадӣ ва ҷузъу томҳо оид ба иҷро намудани чорабиниҳои банақшагирифташуда, инчунин роҳ надодан ба ҳуқуқвайронкунӣ, мустаҳкамии муҳофизати сарҳад супоришҳои мушаххас дода шуданд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
