ФУТБОЛ: баъди пирӯзӣ дастаи «Кӯктош» ба зинаи сеюми ҷадвал баромад

ДУШАНБЕ, 28.05.2018 /АМИТ «Ховар»/. Дар бозии даври 10-уми Лигаи олии мамлакат дастаи  футболи «Кӯктош»-и ноҳияи Рӯдакӣ  дар майдони худ  дастаи футболи  «Хатлон»-и шаҳри  Бохтарро қабул намуд. Рақобат байни ин дастаҳо ҷолибу тамошобоб сурат гирифта, бо ҳисоби 4:2 ба фоидаи  мизбонон  анҷом ёфт.

Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, баъди ин пирӯзӣ дастаи футболи «Кӯктош»-и ноҳияи Рӯдакӣ бо дарёфти  15 имтиёз ба зинаи сеюми ҷадвал баромад.

Ёдовар мешавем, ки  дар бозии 10-уми Лигаи олӣ футболбозони КМВА «Помир» дар майдони худ  дастаи футболи  «Барқчӣ»-ро бо  ҳисоби  1:0 мағлуб намуданд.  Ҳамчунин   дар даври мазкур рақобати  байни дастаҳои футболи «Панҷшер» ва «Регар-ТадАЗ»  бо ғолибияти  бозингарони шаҳри Турсунзода, бо ҳисоби 2:0  анҷом ёфт.