Кумитаи ҳолатҳои фавқулода ва мудофиаи гражданӣ: «Офатҳои табиии рӯзҳои охир қурбоние дар пай надоштанд»
ДУШАНБЕ, 17.05.2018. /АМИТ «Ховар»/. Дар пайи боронгариҳои шадиди рӯзҳои охир дар баъзе аз манотиқи кишвар сел омада, заминҳои кишт ва наздиҳавлигиро хароб кардааст. Дар манотиқи кӯҳӣ резиши санг ба қайд гирифта шудааст, ки дар натиҷа қитъае аз роҳҳо баста ва ҳаракати нақлиёт қатъ гардидааст.
Тавре сардори маркази матбуоти Кумитаи ҳолатҳои фавқулода ва мудофиаи гражданӣ Умеда Юсуфӣ ба АМИТ «Ховар» иттилоъ дод, дар қаламрави шаҳри Панҷакент сел 2 гектар замини кишт, дар деҳаи Рӯзиобнок 800 метр роҳ ва 10 хоҷагии наздиҳавлигиро хароб кардааст. Резиши санг 250 метр роҳро дар километри 51-уми роҳи мошингарди Айнӣ-Панҷакент бастааст. Айни замон ин қитъа аз сангрезаҳо тоза ва ҳаракати мошинҳо барқарор шудааст. Дар шаҳри Конибодом бар асари омадани сел 15 қитъаи наздиҳавлигии сокинон қисман хароб шудааст. Дар деҳаҳои Чорбоғ, Пахтадашт, Иттифоқ ва ҷамоати деҳаи Машъали ноҳияи Вахш сел ба 6 қитъаи наздиҳавлигии сокинон зарар расонидааст.
Гуфта мешавад, ки айни ҳол барои бартараф намудани оқибатҳои офати табиӣ комиссияҳои ҳолатҳои фавқулодаи ноҳияҳо фаъолият карда истодаанд.
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
