Намояндагони Хазинаи Байналмилалии Асъор аз Парлумони Тоҷикистон дидан намуданд
ДУШАНБЕ, 18.05.2018. /АМИТ «Ховар»/. Имрӯз раиси кумитаи Маҷлиси намояндагон оид ба иқтисод ва молия Шариф Раҳимзода ва аъзои кумитаи мазкур бо намояндагони Хазинаи Байналмилалии Асъор, ки бо сафари корӣ дар Ҷумҳурии Тоҷикистон қарор доранд, мулоқот намуданд.
Тавре аз маркази матбуоти Маҷлиси намояндагони Маҷлиси Олии Ҷумҳурии Тоҷикистон ба АМИТ «Ховар» хабар доданд, дар доираи мулоқот масоили марбут ба ҳолати кунунӣ ва дурнамои ҳамкории молиявию иқтисодии Тоҷикистон бо Хазинаи Байналмилалии Асъор мавриди баррасӣ қарор дода шуд. Таъкид гардид, ки Ҳукумати Ҷумҳурии Тоҷикистон дар ҳамдастӣ бо ташкилоту идораҳои молиявии байналмилалӣ, аз ҷумла Хазинаи мазкур дар татбиқи сиёсати иқтисодӣ ба нишондиҳандаҳои назаррас ноил гардидааст.
Ш. Раҳимзода мулоқоти мазкурро воситаи хуби таҳкими ҳамкории Ҳукумати Ҷумҳурии Тоҷикистон бо Хазинаи Байналмилалии Асъор ва омили вусъатбахши дигаргунсозиҳои иқтисодии кишвар арзёбӣ намуд.
Зимни мулоқот ҳамчунин тадбирҳои Ҳукумати Ҷумҳурии Тоҷикистон дар самти паст кардани шиддати таъсири омилҳои берунӣ ба иқтисодиёт ва тақвият бахшидани рақобатпазирии иқтисоди миллӣ ёдоварӣ гардида, изҳори итминон карда шуд, ки дар оянда низ шарикони рушди Тоҷикистон дар доираи афзалиятҳои стратегии рушд бо роҳи дастгирии буҷети давлатӣ ва соҳаҳои иҷтимоӣ дар ҳалли мушкилоти мавҷудаи иқтисодию молиявӣ нақши муносиб хоҳанд гузошт.
Зикр гардид, ки тавассути муколамаҳои доимии сатҳи олӣ робитаҳои дуҷонибаи Тоҷикистону Хазинаи Байналмилалии Асъор дар ҳама самтҳо мазмуну мундариҷаи навро касб менамоянд.
Доир ба рушди манбаъҳои барқароршавандаи энергия дар Тоҷикистон ҳамоиш баргузор гардид
Ҷаласаи Шурои коршиносию машваратии назди Шурои Ассамблеяи парламентии СААД баргузор гардид
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
