ОБУ ҲАВО: имрӯз дар ҷумҳурӣ ҳаво номусоид гашта, боридани борону жола дар назар аст
ДУШАНБЕ, 01.05.2018. /АМИТ «Ховар»/. Ба иттилои Агентии обуҳавошиносии Тоҷикистон, тӯли чанд рӯзи наздик дар ҷумҳурӣ ҳаво номусоид гашта, дар вилояти Хатлон, ноҳияҳои тобеи марказ ва минтақаҳои кӯҳӣ боридани боронҳои пуршиддат ва баъзан жола дар назар аст. Пастшавии ҳарорат то +8 +10 дараҷа дар водиҳо пешбинӣ мешавад. Ҳамчунин шиддатёбии вазиши шамол аз самти ғарб то 15-20 метр дар як сония пешгӯӣ шуда, дар вилояти Хатлон чангу ғубор ба амал меояд.
Имрӯз, 1 май дар вилояти Суғд ҳаво абрии боронӣ шуда, раъду барқ ба амал меояд. Шамол аз самти шарқ бо гузариш ба самти ғарб 3-8 ва дар баъзе ноҳияҳо то 13-18 метр дар як сония мевазад. Ҳаво дар водиҳо шабона +11 +16 ва рӯзона +15 +20 дараҷа гарм мешавад.
Дар Вилояти Мухтори Кӯҳистони Бадахшон низ ҳаво тағйирёбанда шуда, борон меборад. Шамол аз самти шарқ 2-7 метр дар як сония вазида, ҳаво шабона +5 +10 ва рӯзона +17 +22 дараҷа гарм мешавад.
Ҳамчунин дар вилояти Хатлон ҳавои боронӣ пешгӯи гардида, боридани жола ва ба амал омадани раъд барқ дар назар аст. Ҳаво шабона +10 +15 ва рӯзона +15 +20 дараҷа гарм хоҳад шуд.
Дар шаҳру ноҳияҳои тобеи марказ ва шаҳри Душанбе ҳаво тағйирёбанда шуда, боридани борон ва ба амал омадани раъду барқ пешбинӣ шудааст. Эҳтимолан дар баъзе ноҳияҳо жола меборад. Ҳарорат дар водиҳо рӯзона +18 +20 дараҷа гарм мешавад. Шабона ҳарорати ҳаво +11 +13 дараҷа гарм шуда, шамол аз самти шарқ 3-8 ва дар баъзе ноҳияҳо то 10-15 метр дар як сония мевазад.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
