Ширкати «Мён Сунг»-и Кореяи Ҷанубӣ дар вилояти Суғд гармхонаҳои замонавӣ бунёд менамояд
ДУШАНБЕ, 11.05.2018 /АМИТ «Ховар»/. Ширкати маъруфи «Мён Сунг»-и Кореяи Ҷанубӣ дар вилояти Суғди Ҷумҳурии Тоҷикистон гармхонаҳои замонавӣ бунёд менамояд.
Тавре аз хадамоти матбуоти Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд, ин тасмим зимни мулоқоти Раиси вилоят Раҷаббой Аҳмадзода бо роҳбари ин ширкат Чон Ёнг Сун гирифта шуда, таъкид гардид, ки дар марҳилаи аввал то 10 гармхонаи замонавии муштарак сохта мешавад.
Мавриди зикр аст, ки ширкати мазкур яке аз ширкатҳои маъруфи Кореяи Ҷанубӣ ба ҳисоб рафта, бо соҳибкорони кишварҳои гуногун дар самти бунёди гармхонаҳои замонавӣ бо истифода аз технологияҳои нав ҳамкорӣ менамояд. Ин ширкат, аз ҷумла дар Ҷумҳурии Ӯзбекистон бо усули гидропоникӣ гармхонаҳои муосирро бунёд кардааст, ки дар онҳо помидор, бодиринг ва булғорӣ истеҳсол карда мешаванд.
Зимни суҳбат Раиси вилоят иброз дошт, ки чанде қабл тоҷирону соҳибкорони вилояти Суғд ба вилояти Самарқанд сафар намуда, созишномаҳои ҳамкориро ба имзо расониданд. Дар доираи ин сафар соҳибкорони вилоят аз гармхонаҳои муштарак, ки бо ҷалби мутахассисони Кореяи Ҷанубӣ сохта шудаанд, боздид карда, ба фаъолияти онҳо мароқ зоҳир намуданд.
Роҳбари ширкати кореягӣ доир ба таҷрибаи хеш дар самти бунёди гармхонаҳо дар Ӯзбекистон маълумот дода, илова кард, ки бо истифода аз технологияҳои муосир бунёд намудани гармхонаҳо имкон медиҳад, ки аз як гектар то 200 тонна ҳосил рӯёнида шавад.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
