Суди олии иқтисодӣ: Баргузории мизи мудаввар дар ҳошияи Даҳсолаи байналмилалии амал «Об барои рушди устувор, солҳои 2018- 2028»
ДУШАНБЕ, 25.05.2018 /АМИТ «Ховар»/. Имрӯз, дар Душанбе бо ташаббуси Суди Олии иқтисодии Ҷумҳурии Тоҷикистон бахшида ба раванди амалисозии ташаббуси нави глобалии Тоҷикистон – Даҳсолаи байналмилалии амал «Об барои рушди устувор, солҳои 2018- 2028» таҳти унвони «Таҷрибаи судии парвандаҳои иқтисодӣ доир ба масоили об» мизи мудаввар баргузор гардид. Хабарнигори АМИТ «Ховар» аз ин ҳамоиш иттилоъ дод, ки дар мизи мудаввар муовини якум ва муовинони раиси Суди Олии иқтисодӣ, судяҳо ва кормандони дастгоҳи судҳои иқтисодӣ, намояндагони Вазорати энергетика ва захираҳои об иштирок намуданд.
Зимни мизи мудаввар таъкид гардид, ки сол то сол дар сайёраи Замин ҳаҷми обҳои тоза коҳиш меёбад, бинобар ҳамин ҷиҳати пешгирӣ кардани ин хатари ҷиддӣ ҷомеаи ҷаҳониро мебояд оид ба истифодаи сарфакоронаи об ва ҳифзи захираҳои он маҷмӯи тадбирҳои заруриро таҳия ва амалӣ намояд. Дар ин маврид роҳбарияти олии Тоҷикистон мавқеи устувор дошта, бо ташаббусҳои сатҳи ҷаҳонӣ дар ҳалли мушкилоти иҷтимоӣ-экологӣ ҳамеша дар сафи пеш қарор дорад.
Муовини аввали раиси Суди олии иқтисодӣ Абдуҷаббор Қодирзода, сардори раёсати захираҳои оби Вазорати энергетика ва захираҳои об Тағоймурод Ғафурзода, судяи Суди Олии иқтисодӣ Нуриддини Нурулло, судяи Суди иқтисодии вилояти Хатлон Толиб Давлатзода ва судяи Суди иқтисодии вилояти Суғд Фаррух Хоҷазода дар мавзӯи матраҳшуда маърӯза намуда, оид ба аҳамият ва ҷойгоҳи об дар рушди устувори иқтисодӣ ва истифодаи окилонаи он мулоҳизаҳои худро изҳор карданд.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
