ТАҚВИМИ АМИТ «ХОВАР»: Имрӯз 7 май, душанбе, 127-умин рӯзи соли 2018 аст
Тақвими моро дар ин гӯша
шореҳ Шукӯҳи ДАЛЕР варақ мезанад:
7 майи соли 2010 Президенти Ҷумҳурии Тоҷикистон Эмомалӣ Раҳмон баҳри шиносоии бевосита бо рафти бартарафсозии оқибатҳои офатҳои табиӣ, ки шаби 7 май ба амал омаданд, ба шаҳру ноҳияҳои минтақаи Кўлоби вилояти Хатлон сафар карданд.
***
2 сол пеш, 7 майи соли 2016 Сарвари давлат Эмомалӣ Раҳмон дар доираи сиёсати инсонпарваронаи хеш ба муносибати 71-умин солгарди Ғалаба дар Ҷанги бузурги ватании солҳои 1941-1945 ва қадршиносии ҷонфидоии бобоёну падарон дар ҷанг баҳри озодии насли оянда дар бораи расондани кумакпулии яквақтаи молиявӣ ба иштирокчиёну маъюбони Ҷанги бузурги ватанӣ Амр имзо намуданд.
***
Дар ин рӯзи соли 2015 Созишнома дар бораи соддагардонидани тартиби тиҷорат бо Созмони умумиҷаҳонии савдоро вакилони палатаи поёнии Парлумони Тоҷикистон тасдиқ намуданд.
7 МАЙ ТАҶЛИЛ КАРДА МЕШАВАД:
Дар Қазоқистон – Рӯзи ҳимояи Ватан.
РӮЙДОДҲО:
7 майи соли 2009 дар Вазорати корҳои хориҷии Ҷумҳурии Тоҷикистон масоили ҳамкории дуҷонибаи Тоҷикистону Франсия баррасӣ гардид.
***
7 майи соли 2010 ширкати ҳавопаймоии «Тоҷик Эйр» дар бораи ифтитоҳи хатсайри нави ҳавоӣ миёни Тоҷикистон ва Украина хабар дод.
***
7 сол қабл, 7 майи соли 2011 дар Исломобод Ҷамъияти дӯстии Тоҷикистону Покистон таъсис дода шуд.
***
Дар ин рӯзи соли 2012 дар Варзишгоҳи марказии ҷумҳуриявӣ дастаҳои футболи «Истиқлол»-и Тоҷикистон ва «Ал-Амари»-и Фаластин бо ҳам сабқат намуданд.
***
186 сол муқаддам, 7 майи соли 1832 Гретсия шоҳигарии мустақил гардид.
***
7 майи соли 1997 Ширкати Intel расман микропротсессори Pentium 2-ро муаррифӣ намуд.
ИНЧУНИН ДАР ИН РӮЗ…
Соли 1994 дар шаҳри Ванкувери Канада ҳунарнамоии сершумортарин дар таърихи ансамбл иборат аз 1 ҳазору 322 нафар гитаранавоз баргузор гардид.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
