Тоҷикистону Покистон дар самти мубориза бо терроризму ифротгароӣ омодаи ҳамкориянд
ДУШАНБЕ, 30.05.2018. /АМИТ «Ховар»/. Муовини якуми Вазири корҳои дохилии Ҷумҳурии Тоҷикистон Абдураҳмон Аламшозода бо ҳайати намояндагони Ҷумҳурии Исломии Покистон таҳти роҳбарии Раиси Кумитаи сардорони ситодҳои муттаҳидаи Артиши ин кишвар генерал Зубайр Маҳмуд Ҳаят вохӯрӣ доир намуд.
Тавре аз Вазорати корҳои дохилӣ ба мухбири АМИТ «Ховар» хабар доданд, зимни вохӯрӣ Абдураҳмон Аламшозода иброз дошт, ки мардуми Покистону Тоҷикистон бо ҳам дӯсту бародар буда, чунин риштаи дӯстиву рафоқат дар оянда боз ҳам мустаҳкамтар хоҳад гардид.
Зикр гардид, ки муносибатҳои дӯстонаи Тоҷикистону Покистон бо манбаи пуриқтидори шартномавӣ-ҳуқуқӣ мустаҳкам гардонида шуда, зиёда аз 50 санади муҳим ба имзо расонида шудаанд.
Зубайр Маҳмуд Ҳаят барои пазироии самимона изҳори миннатдорӣ намуда, афзуд, ки ҷониби Покистон ҷиҳати рушду нумӯъ ёфтани ҳамкории мутақобилан судманд бо мақомоти корҳои дохилии Ҷумҳурии Тоҷикистон дар самтҳои мавриди таваҷҷуҳ манфиатдор буда, дар мубориза бо терроризму ифротгароӣ ва дигар зуҳуроти номатлуб ҳамеша омода аст.
Дар ҷараёни вохӯрӣ ҷонибҳо атрофи масоили таҳким ёфтани ҳамкории тарафайн дар мубориза бо терроризму экстремизм, мубодилаи иттилоот ва дигар намуди ҷиноятҳои фаромиллӣ мубодилаи афкор намуданд.
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
